Nacyjanalnaja atamnaja enierhahienierujučaja kampanija «Enierhaatam» aficyjna pačała budaŭnictva ŭ Čarnobylskaj zonie adčužeńnia Centralizavanaha schovišča adpracavanaha jadziernaha paliva (CSAJAP), jakoje budzie spryjać umacavańniu enierhietyčnaj niezaležnaści krainy, piša UNIAN.
Dziakujučy hetamu prajektu Ukraina płanuje z 2019 hoda spynić vyvozić adpracavanaje jadziernaje paliva na pierapracoŭku ŭ Rasiju i pačać zachoŭvać paliva ŭ mahilniku
U aficyjnaj cyrymonii pačatku budaŭnictva pryniali ŭdzieł vice-premjer-ministr Ukrainy Uładzimir Kiścion, prezident «Enierhaatamie» Juryj Niedaškoŭski, prezident amierykanskaj kampanii Holtec International Krys Sinhch, ministr enierhietyki i vuhalnaj pramysłovaści Ukrainy Ihar Nasalik, ambasadar ZŠA va Ukrainie Mary Jovanavič i inšyja.
U pačatku červienia 2017 hoda Kabiniet ministraŭ Ukrainy zaćvierdziŭ prajekt budaŭnictva mohilnika, kudy budzie pastupać adpracavanaje jadziernaje paliva z ukrainskich AES. U hetym schoviščy z prymianieńniem pieradavoj technałohii paviarchoŭnaha «suchoha» zachoŭvańnia kampanii Holtec International budzie na praciahu 100 hadoŭ biaśpiečna zachoŭvacca jadziernaje paliva z Rovienskaj, Chmialnickaj i Paŭdniova-Ukrainskaj AES. Z-za adsutnaści ŭłasnaha schovišča Ukraina vymušana kožny hod tracić kala 200 miljonaŭ dalaraŭ na apłatu pasłuh pa vyvazie i pierapracoŭcy adpracavanaha jadziernaha paliva na terytoryi Rasii.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary