U Minsku admienieny kancert Džamały, bo pradali tolki 100 kvitkoŭ
Kancert viadomaj ukrainskaj śpiavački, pieramožcy «Jeŭrabačańnia-2016», jaki pavinien byŭ adbycca ŭ staličnym Prime Hall 9 listapada, byŭ admienieny. Pryčynaj stała drennaja realizacyja biletaŭ. «Nijakaj palityki», — kažuć arhanizatary kancerta. Niahledziačy na ŭ pryncypie nievysoki košt — 53 rubli, — bilety mała chto kuplaŭ. Zała ŭ Prime Hall mieścić 2,5 tysiačy hledačoŭ, a było vykuplena litaralna 100 kvitkoŭ.
— Dla nas heta niečakanaść, ale nie siensacyja, — kažuć u Prime Hall. — Džamała — nie pieršy vykanaŭca, čyje kancerty my admianiajem z-za taho, što nie pradajecca stolki kvitkoŭ, kab pakryć vydatki. 17 listapada ŭ nas pavinien byŭ vystupić rasijski hurt «Kasta», kvitki realizoŭvali pa 40 rubloŭ, i ŭsio roŭna ludzi nie pajšli. Kancert, praŭda, nie admianili zusim, a pieranieśli ŭ inšuju zału, mienšuju, — «Re:pablik». Volha Buzava, jakaja vystupała 8 listapada, taksama śpiavała ŭ daloka nie poŭnaj zale. Na viasnu pieranieśli kancert Miyagi&Endšpil. Ale tam, zdajecca, inšaja pryčyna — trahičnyja padziei ŭ siamji salista Miyagi.
Što da kancertu Džamały, to jon nie pieraniesieny, a mienavita admienieny.
— Vielmi škada, što tak atrymałasia, — kažuć u Prime Hall. — Džamała — fantastyčnaja śpiavačka.
-
Jak K-pop, tolki B-pop — śpiavačka Palina Dabravolskaja zapisała novy albom na biełaruskaj i polskaj movach
-
«Jandeks Muzyku» niemahčyma słuchać». Biełarusy aburanyja abjomami cenzury praz rasijski zakon ab prapahandzie narkotykaŭ
-
Biełarusy raźmiatajuć kvitki na kancerty zumiera Vani Dźmitryjenki z Krasnajarska nie tolki ŭ Minsku, ale ŭ rehijonach
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Kamientary