Praz hod paśla znakamitaj pramovy ab cenzury na źjeździe Sajuza teatralnych dziejačaŭ Rasii mastacki kiraŭnik teatra «Satyrykon» Kanstancin Rajkin u efiry «Doždia» znoŭ źviarnuŭsia da teatralnaj supolnaści, hledačoŭ i ŭłady z zaklikam «urezonić» ministra kultury Rasii Uładzimira Miadzinskaha, jaki, pa słovach Rajkina, «metanakiravana škodzić teatru». U 2017 hodzie prakuratura prychodziła z pravierkami ŭ teatr užo šeść razoŭ. Rajkin upeŭnieny, što heta — adkaz ministra na jaho letašni vystup.
Kanstancin Rajkin, mastacki kiraŭnik teatra «Satyrykon»:
«Na praciahu ŭsiaho hoda [u teatry] iduć prakurorskija pravierki. Adna, druhaja, jany nie vyjavili nijakich surjoznych parušeńniaŭ. Tam niejkija drobnyja zaŭvahi, jakija zaŭsiody byvajuć, ale nijakich surjoznych parušeńniaŭ jany nie vyjavili. A čamu ž tady ŭsio-taki šeść hetych pravierak? Ich pryčyna — nie žadańnie navieści paradak i daznacca iściny, heta pomsta i pakarańnie, jakim choča padvierhnuć mianie i moj teatr moj niepasredny načalnik, ministr kultury Uładzimir Miadzinski. Jon nie moža mnie daravać majho vykazvańnia na źjeździe Sajuza teatralnych dziejačaŭ i taho, što ja niekalki razoŭ abvinavačvaŭ jaho ŭ niapraŭdzie i zmahaŭsia suprać jaho niespraviadlivych rašeńniaŭ, jakija tyčacca teatra «Satyrykon»…».
«Ja chaču źviarnucca da vysokich uładnych instancyj, jakija znachodziacca nad ministerstvam kultury. Nu davajcie, darahija siabry, niejak urezonim našaha ministra, razumiejecie, jaki prosta metanakiravana, śpiecyjalna škodzić dziaržaŭnamu teatru, jakomu chutka spoŭnicca 80 hadoŭ, jaki stvaryŭ Arkadź Rajkin, jakim ja kiruju 30 hadoŭ, u hetaha teatra jość vielmi surjoznyja zasłuhi, mnie zdajecca, pierad kulturaj ajčynnaj», — miarkuje Rajkin.
«Ja miarkuju, što maje ścipłyja zasłuhi, jany nie mienšyja, a bolšyja, čym zasłuhi hetaha načalnika maralnaści ŭsioj Rusi, dyrektara sumlennaści i doktara histaryčnych i palityčnych navuk. Ja dumaju, što kali my ŭsim miram, usie razam niejak zdolejem jaho pastavić na miesca, to ja dumaju, što buduć udziačnyja nie tolki teatr «Satyrykon», ale i mnohija dziejačy i ŭstanovy kultury» — zaznačyŭ akcior.
Mocnaja pramova Rajkina: Rasiju chočuć viarnuć u stalinskija časy!
Kamientary