Праз год пасля знакамітай прамовы аб цэнзуры на з'ездзе Саюза тэатральных дзеячаў Расіі мастацкі кіраўнік тэатра «Сатырыкон» Канстанцін Райкін у эфіры «Дождя» зноў звярнуўся да тэатральнай супольнасці, гледачоў і ўлады з заклікам «урэзоніць» міністра культуры Расіі Уладзіміра Мядзінскага, які, па словах Райкіна, «мэтанакіравана шкодзіць тэатру». У 2017 годзе пракуратура прыходзіла з праверкамі ў тэатр ужо шэсць разоў. Райкін упэўнены, што гэта — адказ міністра на яго леташні выступ.
Канстанцін Райкін, мастацкі кіраўнік тэатра «Сатырыкон»:
«На працягу ўсяго года [у тэатры] ідуць пракурорскія праверкі. Адна, другая, яны не выявілі ніякіх сур'ёзных парушэнняў. Там нейкія дробныя заўвагі, якія заўсёды бываюць, але ніякіх сур'ёзных парушэнняў яны не выявілі. А чаму ж тады ўсё-такі шэсць гэтых праверак? Іх прычына — не жаданне навесці парадак і дазнацца ісціны, гэта помста і пакаранне, якім хоча падвергнуць мяне і мой тэатр мой непасрэдны начальнік, міністр культуры Уладзімір Мядзінскі. Ён не можа мне дараваць майго выказвання на з'ездзе Саюза тэатральных дзеячаў і таго, што я некалькі разоў абвінавачваў яго ў няпраўдзе і змагаўся супраць яго несправядлівых рашэнняў, якія тычацца тэатра «Сатырыкон»…».
«Я хачу звярнуцца да высокіх уладных інстанцый, якія знаходзяцца над міністэрствам культуры. Ну давайце, дарагія сябры, неяк урэзонім нашага міністра, разумееце, які проста мэтанакіравана, спецыяльна шкодзіць дзяржаўнаму тэатру, якому хутка споўніцца 80 гадоў, які стварыў Аркадзь Райкін, якім я кірую 30 гадоў, у гэтага тэатра ёсць вельмі сур'ёзныя заслугі, мне здаецца, перад культурай айчыннай», — мяркуе Райкін.
«Я мяркую, што мае сціплыя заслугі, яны не меншыя, а большыя, чым заслугі гэтага начальніка маральнасці ўсёй Русі, дырэктара сумленнасці і доктара гістарычных і палітычных навук. Я думаю, што калі мы ўсім мірам, усе разам неяк здолеем яго паставіць на месца, то я думаю, што будуць удзячныя не толькі тэатр «Сатырыкон», але і многія дзеячы і ўстановы культуры» — зазначыў акцёр.
Моцная прамова Райкіна: Расію хочуць вярнуць у сталінскія часы!
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары