16 listapada 2017 hoda ŭ Akademii navuk adbudziecca hałasavańnie za pretendentaŭ na vakantnyja 13 zvańniaŭ akademikaŭ i bolš za 30 členaŭ-karespandentaŭ. Za zvańnie akademika pa śpiecyjalnaści «historyja Biełarusi» namiačajecca baraćba. Vakansija adna, a kandydataŭ dvoje. Heta śpiecyjalist pa historyi Kamunistyčnaj partyi, chutčej ideołah, čym historyk, Uładzimir Babkoŭ i były dyrektar Instytuta historyi NAN RB Alaksandr Kavalenia.
«U Babkova apošni raz napisanaja samastojna knižka, jakuju možna prynamsi ŭmoŭna ličyć navukovaj manahrafijaj, vyjšła ŭ 1989 h., i mieła jana nazvu «Vozroždienije ducha leninizma». Doktarskuju dysiertacyju kandydat u akademiki abaraniŭ jašče ŭ 1977 h. na temu «Diejatielnosť Kompartii Biełoruśsii po ułučšieniju sostava partijnych riadov i sovieršienstvovaniju struktury partijnych orhanizacij v raźvitom socialističieskom obŝiestvie», — raskazvaje historyk Alaksandr Paškievič.
«U Kavaleni apošniaja takaja knižka vyjšła ŭ 2001 h., pad nazvaj «Biełaruś, 1939-1945 hh.: Vojna i politika» (abjom 204 s.). Akramia jaje, manahrafija ŭ jaho tolki adna, vydadzienaja ŭ 1999 h. (jana ž i doktarskaja dysiertacyja na temu «Prahiermanskija sajuzy moładzi na Biełarusi,1941—1944: Vytoki.Struktura. Dziejnaść»),— kaža Paškievič i dadaje. — Možna było b skazać jašče šmat čaho, ale, badaj što, chopić i hetaha».
«Na sajcie NANB pra Kavaleniu, darečy, napisana: «Avtor boleje 400 naučnych i naučno-mietodičieskich trudov, v tom čiśle 21 monohrafii…». Ale nie varta infarmacyju pra takuju kolkaść manahrafij usprymać surjozna. Tut havorka idzie ŭ asnoŭnym pra tak zvanyja «kalektyŭnyja manahrafii» — abahulnialnyja zborniki na roznyja zvyčajna šyrokija temy, dzie Kavaleniu naležyć tolki niejki raździeł (prytym nie fakt, što i jon napisany indyvidualna, a nie ŭ saaŭtarstvie). Faktyčna heta bolš padobna na artykuł, čym na knihu. Ale dla puskańnia pyłu ŭ vočy heta dobra nadajecca, asabliva dla ludziej, jakija nie viedajuć «kuchni». Kali ž uhledziecca va ŭsio heta bolš pilna, to indyvidualnych manahrafij z 21 akažacca tolki dźvie», — tłumačyć Paškievič.
Čytajcie taksama:
Žuraŭkoŭ, Vasilevič, Łukašaniec, Marzaluk… Chto pretenduje ŭ akademiki i člen-karespandenty?
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ150
Kamientary