Tracina aŭtaŭładalnikaŭ nie prachodzić techahladaŭ: štrafy abychodziacca tańniej, čym darožny zbor
Z zarehistravanych u Biełarusi 3,5 młn aŭtamabilaŭ za 10 miesiacaŭ biahučaha hoda prajšli techahlad i zapłacili darožny padatak ŭładalniki 1 235 588 transpartnych srodkaŭ, paviedamlaje Tut.by.
«Z kožnym hodam aŭtamabilistaŭ, jakija pryjazdžajuć na techahlad i vypłačvajuć tak zvany «darožny padatak», stanovicca ŭsio mienš. Takuju tendencyju my nazirajem z 2014 hoda — kali była ŭviedzienaja pošlina», - zajaviŭ načalnik upraŭleńnia arhanizacyi dziaržtechahladu Jaŭhien Karpovič.
UP «Biełtechahlad» paviedamiła, što heta na 7,8% mienš, čym za anałahičny pieryjad minułaha hoda. Usiaho ž ŭ 2016 hodzie dazvoł na dopusk u darožnym ruchu atrymali 1 542 422 aŭtamabilaŭ — mienš, čym u pazaminułym hodzie na 163 218.
Staršynia Pastajannaj kamisii pa pramysłovaści, paliŭna-enierhietyčnym kompleksie, transparcie i suviazi Andrej Rybak paviedamiŭ, što, mahčyma, u nastupnym hodzie darožny padatak možna budzie ŭnosić častkami, i što jon budzie adviazany ad pracedury techahladu. Ale dla hetaha pracoŭnyja prapanovy siabraŭ kamisii pavinien jašče zaćvierdzić kiraŭnik dziaržavy.
Mikoła Buhaj: Treba pieraharnuć staronku 2020-ha i pačać žyć novymi realijami68
Kamientary