prafiesar Alaksandr Kavalenia
U Akademii navuk prajšli vybary akademikaŭ i člen-karespandentaŭ. Jany adbyvajucca kožnyja try hady.
Jak stała viadoma «Našaj Nivie», vakansija akademika pa śpiecyjalnaści «historyja Biełarusi» zastałasia niezaniataj. Pa vynikach ahulnaha tajemnaha hałasavańnia akademikaŭ były dyrektar Instytuta historyi Alaksandr Kavalenia atrymaŭ padtrymku mienš za 2/3 udzielnikaŭ.
U čym siensacyjnaść situacyi? Zvyčajna ahulnaje pasiadžeńnie zaćviardžaje vyniki hałasavańnia pa siekcyjach. Fiziki nie karektujuć vybar fiłołahaŭ, a chimiki pahadžajucca ź mierkavańniem miedykaŭ. Adnak u situacyi z Kavaleniem zvykły ałharytm nie spracavaŭ.
Členami-karespandentami NAN abrali 22 asoby, paviedamlaje BIEŁTA. Najbolej znakavyja fihury heta eks-hienprakuror Ryhor Vasilevič (pa dadzienych TUT.BY, 128 hałasoŭ «za» i 39 «suprać») i deputat Ihar Marzaluk (127 hałasoŭ «za» i 38 «suprać»).
A voś pieršy namieśnik dyrektara pa navukovaj rabocie Centra daśledavańniaŭ biełaruskaj kultury, movy i litaratury Alaksandr Łukašaniec abrany akademikam. Pa jahonaj kandydatury pytańniaŭ nie ŭźnikła.
Siarod kandydatur u členy-karespandenty byŭ zrezany taksama fiłosaf Tadevuš Aduła.
Akademikami stali hałoŭny vučony sakratar NAN Alaksandr Kilčeŭski, dyrektar RUP «Instytut ilnu» NAN Ivan Hołub, pieršy namieśnik dyrektara pa navukovaj rabocie DNU «Centr daśledavańniaŭ biełaruskaj kultury, movy i litaratury NAN Biełarusi» Alaksandr Łukašaniec, namieśnik dyrektara pa navukovaj rabocie DNU «Instytut fizijałohii NAN Biełarusi» Uładzimir Kulčycki, dyrektar RNPC traŭmatałohii i artapiedyi Alaksandr Bialecki. Siaredni ŭzrost znoŭ abranych akademikaŭ — 64 hady.
Siarod 22 abranych členaŭ-karespandentaŭ — namieśnik hienieralnaha dyrektara pa navukovaj rabocie RUP «Navukova-praktyčny centr NAN Biełarusi pa ziemlarobstvie» Eroma Urban, ceły šerah viadomych vučonych-miedykaŭ, u tym liku akademik-sakratar Adździaleńnia miedycynskich navuk NAN Mikałaj Sierdziučenka, dyrektar DU «RNPC pulmanałohii i ftyzijatryi» Hienadź Hurevič, kiraŭnik Respublikanskaha navukova-praktyčnaha centra transpłantacyi orhanaŭ i tkanak Aleh Rumo. Siaredni ŭzrost znoŭ abranych členaŭ-karespandentaŭ — 57 hadoŭ.
Napiaredadni adbylisia pasiedžańni pa adździaleńniach — humanitaryi hałasavali za humanitaryjaŭ, miedyki — za miedykaŭ i hetak dalej.
U papiarednim hałasavańni za vakantnaje miesca akademika-historyka pieramohu atrymaŭ 71-hadovy były dyrektar Instytuta historyi, daśledčyk Druhoj suśvietnaj vajny Alaksandr Kavalenia. Jaho padtrymali dźvie traciny ŭdzielnikaŭ hałasavańnia. Tracina hałasoŭ tady była ŭ jaho kankurenta, 78-hadovaha historyka kampartyi Uładzimira Babkova.
«Na sajcie NANB pra Kavaleniu, darečy, napisana: «Avtor boleje 400 naučnych i naučno-mietodičieskich trudov, v tom čiśle 21 monohrafii…». Ale nie varta infarmacyju pra takuju kolkaść manahrafij usprymać surjozna. Tut havorka idzie ŭ asnoŭnym pra tak zvanyja «kalektyŭnyja manahrafii» — abahulnialnyja zborniki na roznyja zvyčajna šyrokija temy, dzie Kavaleniu naležyć tolki niejki raździeł (prytym nie fakt, što i jon napisany indyvidualna, a nie ŭ suaŭtarstvie). Faktyčna heta bolš padobna na artykuł, čym na knihu. Ale dla puskańnia pyłu ŭ vočy heta dobra nadajecca, asabliva dla ludziej, jakija nie viedajuć «kuchni». Kali ž uhledziecca va ŭsio heta bolš pilna, to indyvidualnych manahrafij z 21 akažacca tolki dźvie», — tłumačyć historyk Alaksandr Paškievič.
Žuraŭkoŭ, Vasilevič, Łukašaniec, Marzaluk… Chto pretenduje ŭ akademiki i členy-karespandenty?
Jakija navukovyja pracy napisali pretendenty na zvańnie akademikaŭ pa śpiecyjalnaści «historyja Biełarusi»
Na vybarach akademikaŭ daśledčyk vajny Kavalenia pieramahaje historyka kamunizmu Babkova. A člen-karam maje stać Marzaluk
