Paźniak: «Narodnaja pieramoha» rehularna parušaje normy etyki i nie źjaŭlajecca orhanam KCHP-BNF
Staršynia Kansiervatyŭna-chryścijanskaj partyi BNF Zianon Paźniak vystupiŭ z zajavaj na aficyjnym sajcie partyi. U zajavie staršynia KCHP-BNF padkreślivaje, što sajt «Narodnaja Pieramoha» nie źjaŭlajecca partyjnym orhanam.
«Pobač z pazytyŭnym źmiestam balšyni materyjałaŭ resurs charaktaryzujecca rehularnymi dopisami i acenkami, napisanymi na niedapuščalnym uzroŭni etyki ŭ dačynieńni da asobaŭ inšych pohladaŭ i pavodzin. Sproby kiraŭnictva KCHP-BNF paŭpłyvać na vypraŭleńnie etyčnych parušeńniaŭ ŭ tekstach hetaha orhanu vynikaŭ nie dali, — havorycca ŭ zajavie.— Heta tym bolš niadobra, što šmat jakija nieabaznanyja ludzi dumajuć, što resurs «Narodnaja Pieramoha» jość infarmacyjnym orhanam KCHP-BNF. Časam takoje pamyłkovaje mierkavańnie śpiecyjalna stvarajecca nieprychilnikami narodnaj partyi (KCHP-BNF), kab abvinavačvać jaje ŭ nieisnujučych pravinach».
Zianon Paźniak piša, što staronka «Narodnaja Pieramoha» stvoranaja «ščyrym prychilnikam nacyjanalnaha Adradžeńnia Biełarusi. Hety orhan taksama ŭžo niekalki hadoŭ viadzie, rychtuje i piša infarmacyjnyja materyjały siabra KCHP-BNF. Resurs źjaŭlajecca pryvatnaj inicyjatyvaj hetych asob».
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary