30-hadovy ŭradženiec Hrodna Ściapan Śvidzierski vyzvaleny ź izalatara ŭ polskim horadzie Hdynia.
Incydent adbyŭsia 14 listapada ŭ ofisie arhanizacyi Thomson Reuters, dzie Ściapan pracuje apošnija šeść hadoŭ. Pa adnoj ź viersij, biełarus sam adkryŭ stralbu, pa inšaj — na jaho napaŭ adzin z supracoŭnikaŭ kampanii, kali pabačyŭ zbroju. Prahučali dva streły, nichto nie paciarpieŭ.
Apošnija try hady Śvidzierski aktyŭna zajmaŭsia stralboj. Pravodziŭ na treniroŭkach uvieś volny čas.
«Na žal, isnuje tajamnica śledstva, tamu nie mahu ahučyć padrabiaznaści zdareńnia, — skazaŭ Śvidzierski dla «Našaj Nivy». — Jašče vyśviatlajucca peŭnyja momanty. Hałoŭny vynik, što ja na voli biez dadatkovych abmiežavańniaŭ, takich jak padpiska ab niavyjeździe ci palicejski nahlad. Ja rady takomu vyniku».
U izalatary Ściapan siadzieŭ u kamiery na troch čałaviek, ale adzin. «Byŭ čas dobra vyspacca. Umovy całkam prystojnyja. Nijakaha staŭleńnia da mianie jak da terarysta nie było. Palicyja była vielmi karektnaj».
Pra bližejšyja płany Ściapan taksama nie moža havaryć. Što budzie z pracaj, ci nie ŭźniknie tam prablemaŭ, pakul nie viedaje. Kaža, što ciapier hałoŭnaje žadańnie — chutčej dabracca dadomu.
Što zapisana aficyjnaj pryčynaj śmierci adzinaha syna Jarmošynaj?4
Kamientary