Biełaruś nie źbirajecca skaračać pastaŭki małočnaj pradukcyi ŭ Rasiju. Pra heta ŭ efiry prahramy «Hałoŭny efir» na telekanale «Biełaruś 1» zajaviŭ vice-premjer Michaił Rusy, paviedamlaje Tut.by.
Rasijskija ahraryi siońnia kažuć pra toje, što hatovyja svaimi siłami zakryvać patrebnaści ŭnutranaha rynku pa niekatorych pazicyjach pa małočnaj pradukcyi. U pryvatnaści, syru. Biełarusaŭ prosiać vyzvalić palicy. Tym nie mienš, Michaił Rusy miarkuje, što «ŭmovy budzie dyktavać nie administratar, a spažyviec».
- Z taho rasijskaha rynku, jaki ŭ nas užo adpracavany, my sychodzić nie źbirajemsia. Z našymi kalehami siońnia jość stratehičnyja damoŭlenaści, i my hatovyja pracavać na kankurentnaj asnovie, - skazaŭ vice-premjer. - Kali ty siońnia adniekul pojdzieš, to zaŭtra ciabie tam čakać užo nie buduć.
Michaił Rusy taksama skazaŭ, što Biełaruś budzie pašyrać rynki zbytu i źnižać rasijskuju dolu ŭ ahulnaj statystycy. Ale tolki za košt pavieličeńnia vytvorčaści. Finansavych strat być nie pavinna.
Kamientary