Arhanizatary mižnarodnaha avijasałona «Farnbara» (Vialikabrytanija) zabaranili Rasii vystaŭlać pradukcyju vajennaha pryznačeńnia na vystavie ŭ 2018 hodzie, paviedamiŭ «Interfaksu» namieśnik dyrektara Fiederalnaj słužby pa vajenna-techničnym supracoŭnictvie Rasii Anatol Punčuk.
«Škadujem, što ŭ vyniku takoha rašeńnia my nie zmožam vykarystoŭvać hetuju placoŭku dla abmienu vopytam i demanstracyi našych mahčymaściaŭ», — skazaŭ Punčuk. Pry hetym jon zmaŭčaŭ pra pryčynu zabarony — mižnarodnych sankcyjach, nakładzienych na Rasieju za aneksiju Kryma i ahresiju suprać Ukrainy, nazvaŭšy ŭ jakaści pryčyny «niadobrasumlennuju kankurencyju» z boku jeŭrapiejskich vytvorcaŭ vajennaj techniki.
Uviedzienyja suprać Rasii 31 lipienia 2014 hoda sankcyi zabaraniajuć krainam Jeŭrasajuza impart, kuplu i transparciroŭku ŭzbrajeńniaŭ z Rasii. Akramia taho, sankcyi zabaraniajuć luby ŭdzieł u akazańni pasłuh i pastaŭkach ŭzbrajeńnia dla rasijskaj abaronki abo pryład padvojnaha pryznačeńnia, jakija ŭ vyniku apynucca ŭ rasparadžeńni rasijskich vajskoŭcaŭ.
U 2014 i ŭ 2016 hodzie Rasija ŭžo sutykałasia ź ciažkaściami pry ŭdziele ŭ dadzienaj vystavie. Try hady tamu rasijskaja delehacyja nie zmahła trapić u Vialikabrytaniju z-za admovy ŭ vizach, a ŭ minułym hodzie rasiejskija karparacyi z-za sankcyj mahli vystavić tolki hramadzianskuju pradukcyju.
U hetym hodzie Rasii zabaroniena vystaŭlać tam dadatkova taksama i pradukcyju dvajnoha pryznačeńnia. Śpis usich tavaraŭ i vuzłoŭ, jakija padpadajuć pad hetuju abmiežavalnuju rehulacyju, brytanski ŭrad apublikavaŭ na svaim sajcie.
Avijasałon «Farnbara» projdzie z 16 pa 22 lipienia 2018 hoda.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary