Supolnaść hdańskich strałkoŭ śćviardžaje, što biełarus užyŭ zbroju lehalna — i choča dapamahčy kalehu, jaki straciŭ pracu paśla zdareńnia, piša Biełsat.
Biełarus Ściapan Śvidzierski žyvie ŭ Polščy bolš za 10 hadoŭ. Pałovu hetaha času jon pracavaŭ u hdyńskim ofisie mižnarodnaj karparacyi Thomson Reuters.
Uviečary 14 listapada mužčyna pryjšoŭ na pracu paśla zaniatkaŭ u ciry. Jon mieŭ pry sabie daŭhastvolnuju zbroju, a taksama pistalet «Glock» (z dazvołam na jaje našeńnie).
Adzin z prysutnych u ofisie pa nieviadomaj pryčynie sprabavaŭ vyrvać pistalet u biełarusa, paśla čaho prahučali dva streły. U ich vyniku nichto nie paciarpieŭ.
U suviazi z hetym palicyja zatrymała Śvidzierskaha. Paźniej jahonuju spravu pieradali ŭ prakuraturu, jakaja raspačała śledčyja dziejańni.
Prakuror vinavaciŭ Śvidzierskaha ŭ sprobie zabojstva i prasiŭ sud aryštavać biełarusa na try miesiacy. Sud, adnak, nie zadavoliŭ hetuju prośbu i vypuściŭ Ściapana.
Strałki spartovaha kłubu «Ardea» śćviardžajuć, što choć stralaŭ Śvidzierski — heta jon paciarpieły: spačatku jaho atakavali i zabrali lehalnuju zbroju, a potym pazbavili dobraha imia.
Kamientary