Mazyrskim rajadździełam Śledčaha kamiteta raspačata kryminalnaja sprava pa č.2 art.218 (naŭmysnaje źniščeńnie abo paškodžańnie majomaści, ździejśnienyja ahulnaniebiaśpiečnym sposabam) da žychara Mazyra, jaki padpaliŭ słužbovy aŭtamabil RAUS, paviedamlaje sk.gov.by.
Adbyłosia nastupnaje: 18 listapada na vulicy Internacyjanalnaj u Mazyry za drobnaje chulihanstva milicyjant dastaviŭ u pastarunak 57-hadovaha miascovaha žychara. U pamiaškańni RAUS niećviarozy mazyrčuk užyŭ hvałt u dačynieńni da adnaho z supracoŭnikaŭ milicyi.
Dalej bolej. Zatrymanaha pavieźli na słužbovym aŭtamabili UAZ u balnicu, kab vyjavić stupień ałkaholnaha apjanieńnia.
Na zvarotnym šlachu ŭ milicejski ŭčastak mužčyna paprasiŭ, kab jamu dazvolili papić vady. Jon dastaŭ z sumki butelku z-pad minierałki, adnak u joj była nie vada, a lohkaŭzharalnaja vadkaść. Jon raźliŭ jaje na mašynu i padpaliŭ. Aŭtamabil zahareŭsia. Ahoń paškodziŭ značnuju častku kuzava i sałona, rečy ŭ im. Sam zatrymany atrymaŭ apioki.
Padazravany znachodzicca na lačeńni ŭ balnicy. U suviazi z hetym miery pracesualnaha prymusu da jaho nie ŭžyvalisia.
Mazyrski RASK vyśviatlaje ŭsie abstaviny zdareńnia.
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary