Мазырскім райаддзелам Следчага камітэта распачата крымінальная справа па ч.2 арт.218 (наўмыснае знішчэнне або пашкоджанне маёмасці, здзейсненыя агульнанебяспечным спосабам) да жыхара Мазыра, які падпаліў службовы аўтамабіль РАУС, паведамляе sk.gov.by.
Адбылося наступнае: 18 лістапада на вуліцы Інтэрнацыянальнай у Мазыры за дробнае хуліганства міліцыянт даставіў у пастарунак 57-гадовага мясцовага жыхара. У памяшканні РАУС нецвярозы мазырчук ужыў гвалт у дачыненні да аднаго з супрацоўнікаў міліцыі.
Далей болей. Затрыманага павезлі на службовым аўтамабілі УАЗ у бальніцу, каб выявіць ступень алкагольнага ап'янення.
На зваротным шляху ў міліцэйскі ўчастак мужчына папрасіў, каб яму дазволілі папіць вады. Ён дастаў з сумкі бутэльку з-пад мінералкі, аднак у ёй была не вада, а лёгкаўзгаральная вадкасць. Ён разліў яе на машыну і падпаліў. Аўтамабіль загарэўся. Агонь пашкодзіў значную частку кузава і салона, рэчы ў ім. Сам затрыманы атрымаў апёкі.
Падазраваны знаходзіцца на лячэнні ў бальніцы. У сувязі з гэтым меры працэсуальнага прымусу да яго не ўжываліся.
Мазырскі РАСК высвятляе ўсе абставіны здарэння.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары