Stvorany kardynalna novy typ šyn: zamiest kaŭčuku — spružyny z navatarskaha spłavu VIDEA
Pieravynachodnictvam koła nazvali śpiecyjalisty NASA stvareńnie novaha typu šyn, jakomu nie strašnyja prakoły i mocnyja defarmacyi pry najeździe na pieraškodu. Novyja šyny zroblenyja z mnostva pieraplecienych u sietku mietaličnych spružynaŭ, dziakujučy čamu jany ŭstojlivyja da paškodžańniaŭ, ale vałodajuć tymi ž dempfujučymi ŭłaścivaściami, što i zvyčajnyja šyny.
Aparaty, jakija adpraŭlajucca na inšyja płaniety dla praciahłych daśledavańniaŭ, majuć być vielmi nadziejnymi, kab funkcyjanavać na praciahu mnohich hadoŭ biez surjoznych pałomak. I ŭ dadzienym vypadku jakaść i tryvałaść kołaŭ chiba što nie samaja hałoŭnaja reč, bo pałomka adnaho abo niekalkich ź ich moža pazbavić aparat ruchomaści.
I chacia NASA raspracoŭvała novyja koły, ŭ pieršuju čarhu, dla kaśmičnych aparataŭ, mahčyma, jany majuć budučyniu i na našaj płaniecie.
Novyja šyny, raspracavanyja śpiecyjalistami NASA, vykananyja sa spružynaŭ ź nitynołu, spłavu tytanu i nikielu, jaki vałodaje pamiaćciu formy. U miežach dziesiacipracentnaje defarmacyi elemienty, zroblenyja ź nitynołu, mohuć chutka adnaŭlać pieršapačatkovuju formu. Pry bolš surjoznych defarmacyjach materyjał dosyć nahreć, i jon znoŭ nabudzie pieršapačatkovuju formu.
Vyprabavańni novych šyn ŭžo pravodziacca. U pryvatnaści, śpiecyjalisty niadaŭna ŭstalavali adnu takuju šynu na ŭsiedarožnik Jeep Wrangler.
Ciapier čytajuć
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy4
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3636
Kamientary