Створаны кардынальна новы тып шын: замест каўчуку — спружыны з наватарскага сплаву ВІДЭА
Перавынаходніцтвам кола назвалі спецыялісты NASA стварэнне новага тыпу шын, якому не страшныя праколы і моцныя дэфармацыі пры наездзе на перашкоду. Новыя шыны зробленыя з мноства пераплеценых у сетку металічных спружынаў, дзякуючы чаму яны ўстойлівыя да пашкоджанняў, але валодаюць тымі ж дэмпфуючымі ўласцівасцямі, што і звычайныя шыны.
Апараты, якія адпраўляюцца на іншыя планеты для працяглых даследаванняў, маюць быць вельмі надзейнымі, каб функцыянаваць на працягу многіх гадоў без сур'ёзных паломак. І ў дадзеным выпадку якасць і трываласць колаў хіба што не самая галоўная рэч, бо паломка аднаго або некалькіх з іх можа пазбавіць апарат рухомасці.
І хаця NASA распрацоўвала новыя колы, ў першую чаргу, для касмічных апаратаў, магчыма, яны маюць будучыню і на нашай планеце.
Новыя шыны, распрацаваныя спецыялістамі NASA, выкананыя са спружынаў з нітынолу, сплаву тытану і нікелю, які валодае памяццю формы. У межах дзесяціпрацэнтнае дэфармацыі элементы, зробленыя з нітынолу, могуць хутка аднаўляць першапачатковую форму. Пры больш сур'ёзных дэфармацыях матэрыял досыць нагрэць, і ён зноў набудзе першапачатковую форму.
Выпрабаванні новых шын ўжо праводзяцца. У прыватнасці, спецыялісты нядаўна ўсталявалі адну такую шыну на ўседарожнік Jeep Wrangler.
Цяпер чытаюць
Полк Каліноўскага паведаміў пра гібель трох байцоў2
Каментары