10 topavych akcioraŭ Halivuda zarablajuć u try razy bolš za topavych aktrys
Hiendarny razryŭ u apłacie pracy ŭ śpisie top-akcioraŭ i aktrys suśvietnaj kinaindustryi dzivić. Top-10 akcioraŭ za minuły hod zarabili ŭ try razy bolš, čym top-10 aktrys, paviedamlaje Forbes.
Dziesiać najbolš finansava paśpiachovych akcioraŭ-mužčyn uzbahacilisia razam uziatyja na $488,5 miljona. I heta amal u try razy bolš, čym $172,5 miljona zaroblenych pieršaj žanočaj dziasiatkaj. Tolki try aktrysy za 12 miesiacaŭ pieraadoleli paroh 20 miljonaŭ. Za hety ž čas takoha vyniku dasiahnuli 16 akcioraŭ-mužčyn.
Kulturołahi źviazvajuć hetuju niespraviadlivaść z rolevymi dyspraporcyjami: u filmach pra supierhierojaŭ i błokbastarach našmat mienš hałoŭnych žanočych piersanažaŭ. Akramia taho, jak Halivud, tak i Balivud zdymajuć dastatkova vialikuju kolkaść sikviełaŭ i prykviełaŭ. I heta dazvalaje ahientam mužčynskich supierzorak vieści bolš ahresiŭnyja pieramovy pa hanararach z kinastudyjami.
Dy i siarod akcioraŭ druhoha płanu i navat masovak znoŭ ža daminujuć mužčyny — pa źviestkach za 2016 hod, žančyny skłali ŭsiaho 28,6 adsotka ŭsich, kaho było vidać na ekranie pamiž startavymi zastaŭkaj i finalnymi citrami.
Najlepšaj ilustracyjaj halivudskaj kinaniaroŭnaści źjaŭlajecca fakt, što najbolš vysokaapłatnaja akciorka Ema Stoŭn znachodzicca tolki na 15 miescy abjadnanaha žanoča-mužčynskaha śpisu zarobkaŭ za hod. A ŭznačalvaje jaho Mark Uołbierh («Maks Pejn», «Acaleły», «Hłybakavodny haryzont»).
Mužčynski top-10:
1. Mark Uołbierh — $68 miljonaŭ
2. Duejn Džonsan — $65 miljonaŭ
3. Vin Dyziel — $54,5 miljona
4. Adam Sendler — $50,5 miljona
5. Džeki Čan — $49 miljonaŭ
6. Robiert Doŭni mał. — $48 miljonaŭ
7. Tom Kruz — $43 miljony
8. Šach Ruch Kchan — $38 miljonaŭ
9. Sałman Kchan — $37 miljonaŭ
10. Akšaj Kumar — $35,5 miljona
Žanočy top-10:
1. Ema Stoŭn — $26 miljonaŭ
2. Dženifier Enistan — $25,5 miljona
3. Dženifier Łoŭriens — $24 miljony
4. Mielisa Makarci — $18 miljonaŭ
5. Miła Kunis — $15,5 miljona
6. Ema Uotsan — $14 miljonaŭ
7. Šarliz Teron — $14 miljonaŭ
8. Kiejt Błanšet — $12 miljonaŭ
9. Džulija Robierts— $12 miljonaŭ
10. Emi Edams — $11,5 miljona
Acenki prybytkaŭ zasnavanyja na dadzienych Nielsen, ComScore, Box Office Mojo i IMDB, a taksama intervju z pradstaŭnikami haliny. Usie ličby — da naličeńnia padatkaŭ. Uličany hanarary z 1 červienia 2016 hoda da 1 červienia 2017 hoda.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary