U Maskvie FSB zatrymała polskaha historyka Hienryka Hłembockaha i zahadała jamu pakinuć Rasiju ciaham 24 hadzin, piša Radyjo Svaboda.
U Rasii Hłembocki pracavaŭ u archivach i paśpieŭ pračytać dźvie lekcyi pra tak zvanuju polskuju apieracyju NKVD, u vyniku jakoj na terytoryi SSSR u 1937-1938 hadach było zabita ad 111 da 200 tysiač palakaŭ.
«Zatrymańnie adbyłosia ŭ piatnicu kala apoŭnačy paśla majho viartańnia z Sankt-Pieciarburha ŭ Maskvu. Paśla vychadu ź ciahnika na vakzale mianie zatrymaŭ patrul i zavioŭ u pamiaškańnie, dzie čakała vialikaja hrupa supracoŭnikaŭ FSB. Jany zdymali ŭsio na kameru i začytali mnie pastanovu FSB. Z hetaha dakumienta vynikała, što ja pavinien ciaham sutak pakinuć terytoryju Rasii» — raspavioŭ Hłembocki Polskamu ahienctvu druku.
Pastanova FSB była padpisanaja 21 listapada. U toj samy dzień Hienryk Hłembocki pračytaŭ lekcyju ŭ Polskim Instytucie ŭ Sankt-Pieciarburhu pra represii NKVD suprać palakaŭ u SSSR.
Historyk dadaŭ, što supracoŭniki FSB prymušali jaho padpisać dakumient, ale jon admoviŭsia.
«Ja im skazaŭ, što ŭ PNR, kali mianie ŭ takich abstavinach zatrymlivała Słužba biaśpieki, ja ničoha nie padpisvaŭ, i što ciapier biez polskich dypłamataŭ ničoha nie padpišu».
Prafiesar Jahiełonskaha ŭniversytetu z Krakava ŭžo viarnuŭsia ŭ Polšču.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary