Niebiaśpiečniejšyja, čym zdajucca: navukoŭcy patłumačyli, čamu treba bajacca zvyčajnych much
Muchi pieranosiać značna bolš niebiaśpiečnych dla čałavieka bakteryj, zdolnych vyklikać ciažkija zachvorvańni, čym ličyłasia raniej, vyśvietliła mižnarodnaja navukovaja hrupa. Adpaviednaje daśledavańnie apublikavanaje časopisam Scientific Reports.
Navukoŭcy praanalizavali 116 asobin miasnych i pakajovych much, złoŭlenych u Paŭdniovaj i Paŭnočnaj Amierycy, Jeŭropie i Azii. Vyniki pakazali, što najbolšaja kolkaść bakteryj znachodzicca na łapkach i kryłach nasiakomych.
Pakajovyja muchi, jak akazałasia, značna bolš niebiaśpiečnyja: jany pieranosiać da 351 vidaŭ niebiaśpiečnych mikraarhanizmaŭ, a miasnyja — 316. Z hetaha navukoŭcy zrabili vysnovu, što muchi źjaŭlajucca pieranosčykami našmat bolšaj kolkaści niebiaśpiečnych zachvorvańniaŭ, čym mierkavałasia raniej.
Tak, navukoŭcy vyjavili, što hety vid nasiakomych moža słužyć krynicaj raspaŭsiudžvańnia bakteryi Helicobacter pylori, jakuju źviazvajuć z raźvićciom jazvy straŭnika i dvanaccacipiersnaje kiški, hastrytu, duadenitu i navat raka straŭnika.
Na dumku mižnarodnaj hrupy bijołahaŭ, u skład jakoje ŭvajšli navukoŭcy z Univiersiteta štata Piensilvanija, Nańjanskaha technałahičnaha univiersiteta, Fiederalnaha ŭniviersiteta Rya-de-Žanejra i jašče siami navukovych ustanovaŭ, dla navuki zdolnaść much pieranosić vialikuju kolkaść bakteryj maje i pazityŭny aśpiekt: heta moža dapamahčy ŭ zbory dadzienych ab mahčymych epidemijach.
-
Za Nieptunam moža być jašče adna płanieta pamieram ź Ziamlu, pra jakuju raniej nie padazravali
-
Bunkiery, układańni ŭ źniešnaść zamiest rozumu. Bajučysia ery štučnaha intelektu, ludzi kidajucca ŭ krajnaści
-
Revalucyja ŭ biespravadnoj zaradcy: japoncy prapanujuć rašeńnie, jakoje moža kančatkova zamianić kabieli
Kamientary