Prezident FIFA Džani Infancina spadziajecca na svabodny ad prajavaŭ rasizmu i dyskryminacyi čempijanat śvietu ŭ Rasii 2018 hoda, paviedamlaje fifa.com
«Kali ž heta adbudziecca, upieršyniu na čempijanacie śvietu refiery zmoža spynić hulniu ci navat admovicca ad hulni, kali na stadyjonie jość dyskryminacyjnyja abo rasisckija incydenty», — skazaŭ Infancina.
Čempijanat čakaje i jašče adno značnaje novaŭviadzieńnie. Rašeńnie ab ukaranieńni technałohii Video Assistant Referee (VAR) aficyjna budzie pryniataje ŭ sakaviku 2018 hoda. Jano było ŭpieršyniu vykarystana ŭ spabornictvach FIFA padčas Kubka Kanfederacyj ŭ lipieni hetaha hoda.
«U 2018 hodzie budzie pryniataja norma, jakim čynam VAR zmoža dapamahać sudziejskaj bryhadzie pryniać pravilnyja rašeńni. Heta tema, jakaja kančatkova budzie vyrašana ŭ sakaviku. Dośvied da hetaha času byŭ stanoŭčym», — kanstatavaŭ Infancina.
Kiraŭnik FIFA sprabavaŭ raźviejać sumnieńni nakont ŭzroŭniu biaśpieki padčas pierasoŭvańnia pa Rasii zamiežnych balelščykaŭ: «My čakajem vydatnaj atmaśfiery ŭ Rasii nastupnym letam, my adkryjem dla siabie adkrytuju, ciopłuju, haścinnuju krainu, jakaja lubić ładzić imprezy, atrymlivać asałodu i śviatkavać futboł».
Čempijanat śvietu pa futbole projdzie ŭ Rasiei z 14 červienia pa 15 lipienia 2018 hoda. Matčy ČS prymuć Vałhahrad, Jekacierynburh, Kazań, Kalininhrad, Nižni Noŭharad, Rastoŭ-na-Donie, Samara, Saransk, Sočy, Sankt-Pieciarburh i Maskva. Losavańnie ŭdzielnikaŭ turniru projdzie 1 śniežnia ŭ Maskvie.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary