Ci patrebny Biełarusi nacyjanalny panteon?
Litaraturaznaŭca i palittechnołah Alaksandr Fiaduta na svajoj staroncy ŭ fejsbuku vykazaŭ dumku ab nieabchodnaści stvareńnia ŭ Biełarusi nacyjanalnaha panteonu na ŭzor francuzskaha.
Litaralna słova «panteon» u pierakładzie z hreckaj značyć «hrupu bahoŭ, jakija naležać adnoj relihii ci mifałohii». U sučasnym śviecie tak nazyvajuć miescy pachavańniaŭ vybitnych ludziej peŭnaj nacyi.
Panteon u Paryžy było vyrašana stvaryć na ejfaryi paśla Francuzskaj revalucyi. Dla hetaj mety paličyli patrebnym vykarystać carkvu Śviatoj Ženiev́jevy. U panteonie pachavanyja vialikija francuzy — fiłosafy Valter i Ruso, hienierał Labuaśjer, matematyk Lahranž, piśmieńniki Hiuho i Zala, fiziki Kiury i jahonaja žonka Kiury-Składoŭskaja, a taksama mnohija inšyja.
«Pry ŭsioj składanaj historyi maich adnosin ź Piatrom Kraŭčankam, mahu skazać, što jahonaja ideja nacyjanalnaha panteona Biełarusi siońnia aktualnaja, jak nikoli. Nie Łukašenkam adzinym žyć nam i tym, chto pryjdzie na źmienu našamu pakaleńniu. Nam treba miesca, dzie my mahli b pamaŭčać i zadumacca nad vieličču našaj historyi.
I niachaj my budziem spračacca da chrypaty, kamu lažać u hetym samym panteonie, ale — achrypniem i narešcie pahodzimsia. I novy prezident zamre ŭ pakłonie pry pierapachavańni tam prachu Uładzimira Karatkieviča i Maksima Bahdanoviča. Inakš — jaki ž jon budzie prezident Biełarusi», — piša Fiaduta.
Krychu inšuju pazicyju vykazaŭ redaktar radyjo «Svaboda», kolišni deputat Viarchoŭnaha Savieta Siarhiej Navumčyk: «U mianie čysta techničnaja zaŭvaha: u Francyi inšaja sistema pachavańnia (trunu apuskajuć nie ŭ ziamlu, a ŭ sklep, dzie jana moža zachoŭvacca stahodździami). U biełaruskaj ziamli (u sensie — hruncie) užo praz 30 hadoŭ ničoha amal nie zastajecca. Nie kažučy, što mahiła Bahdanoviča ŭ Jałcie — umoŭnaja. Dy i sapraŭdy nie varta čapać prach».
Blizkaje mierkavańnie maje historyk z Hrodna Śviatłana Kul: «Usio b vam u Minsk ciahnuć! Lehli tam, dzie chacieli. U svaich vioskach i haradach. Lepiej tudy chaj ludzi jeduć na pakłon. U nas usia ziamla — panteon», — ličyć jana.
«Pałac Respubliki ŭ panteon pierarabić, architektura adpaviednaja», — iranizuje biznesoviec i miecenat Pavieł Padkarytaŭ.
Dyk ci varta biełarusam mieć svoj panteon? I kali tak, to chto ź vialikich biełarusaŭ tam moža być pachavany?
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary