Ivacevickija śledčyja raspačali kryminalnuju spravu ŭ dačynieńni da 21-hadovaha mužčyny za intymnuju suviaź ź niepaŭnaletniaj. Ab hetym paviedamiŭ TUT.BY aficyjny pradstaŭnik upraŭleńnia Śledčaha kamiteta pa Bresckaj vobłaści Dźmitryj Ivaniuk.
Maładyja ludzi pačali sustrakacca niekalki miesiacaŭ tamu, kali 15-hadovaja dziaŭčyna žyła ŭ adnym z haradskich pasiołkaŭ Ivacevickaha rajona. Paśla dzieviaci kłasaŭ škoły jana pastupiła ŭ Ivacevicki praflicej i pierajechała ŭ rajcentr na vučobu. Pra svaju ciažarnaść jana daviedałasia ŭ siaredzinie listapada, kali pryjšła na abśledavańnie da daktaroŭ. Da taho momantu jana była na vośmym tydni.
Ź miedustanovy infarmacyja pastupiła ŭ rajonny adździeł Śledčaha kamiteta. Pa fakcie ciažarnaści niepaŭnaletniaj śledčyja pačali pravierku, padčas jakoj vyśvietliłasia, što baćka budučaha dziciaci — 21-hadovy mužčyna.
U Ivacevickim dziaržaŭnym prafiesijnym licei sielskahasdaračaj vytvorčaści kažuć, što z momantu pastupleńnia na vučobu da dziaŭčyny pretenzij nie było. Ab vypadku piedahohi daviedalisia ad śledčych. Dziaŭčyna spraŭna naviedvała zaniatki. Pretenzij pa vučobie abo pavodzin da jaje niama. Maci vučanicy pryjazdžała na baćkoŭskija schody, cikaviłasia vučobaj dački. Dziaŭčyna praciahvaje vučycca, ale pierajechała ź internata ŭ kvateru da budučaha baćki dziciaci. U bližejšy čas maładyja ludzi płanujuć aficyjna aformić svaje adnosiny.
U praflicei heta druhaja budučaja niepaŭnahadovaja mama.
U hetym hodzie na vučobu pastupiła 15-hadovaja žycharka rajona, jakaja ŭžo viedała pra svaju ciažarnaść. U dadzienym vypadku baćka dziciaci taksama darosły mužčyna, paviedamili ŭ administracyi prafliceja.
U Bresckaj vobłaści hetyja vypadki ŭ hetym hodzie nie pieršyja. Raniej paviedamlałasia ab tym, što ŭ Hancavickim rajonie ad treniera pa valejbole zaciažarała 15-hadovaja školnica. Para maje namier raśpisacca.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia4
Kamientary