«Kazak» i deputat Pałaty pradstaŭnikoŭ Mikałaj Ułachovič raskazaŭ, što ŭ jaho maryjanietačnaj Biełaruskaj patryjatyčnaj partyi źjaviłasia simvolika: bieł-čyrvona-čorny ściah z arnamientam na adnym z bakoŭ.
Cikava, što padobny ściah (tolki biez arnamienta) vykarystoŭvała radykalnaja niezarehistravanaja Biełaruskaja partyja Svabody.
Taksama hety ściah vykarystoŭvali niekalki ultranacyjanalistyčnych palityčnych ruchaŭ u Rasii.
«Kolery ściaha simvalizujuć ziemli, jakija abjadnanyja na Biełarusi. Bieły koler — Biełaja Ruś, terytoryja ŭ centry krainy, čyrvony — Čyrvonaja Ruś (bližej da Ukrainy), čorny — Čornaja Ruś (biełaruskija ziemli, jakija bližej da Polščy), — prakamientavaŭ kolery Ułachovič. — Ja viedaju, što taki ściah vykarystoŭvała partyja Svabody, dy i ŭ Rasii tam chtości taksama jaho mieŭ, tamu my dadali arnamient. My pravaja partyja, my kansiervatyŭnaja partyja, ale my ž nie nacyjanalisty! My bolš artadaksalnyja, prytrymlivajemsia biełaruskaha pačatku».
Heta tolki partyjny ściah, prapanoŭvać jaho ŭ jakaści dziaržaŭnaha partyja nie budzie, padkreśliŭ Mikałaj Ułachovič.
Praca nad ściaham išła paŭhoda.
«Jaho raspracoŭvali niekalki čałaviek: viadomy mastak, viadomy paet, siabry partyi», — skazaŭ Ułachovič.
Ideja takoha ściaha ahučvałasia jašče ŭ vieraśni Kiryłam Zabaŭskim, publicystam rasijskaha «Rehnuma» i dziermanaŭskaha «Imchakłaba». Ułachovič paviedamiŭ, što Zabaŭski nie siabra jaho partyi, ale BPP sapraŭdy vykarystała jaho ideju.
***
Na telehram-kanał «Našaj Nivy» možna padpisacca tut.
Cichanoŭski raskazaŭ, što treba było rabić u žniŭni 2020-ha63
Kamientary