ANT pieraniesła na noč samaje adyjoznaje rasijskaje tok-šou, rychtuje ŭłasnuju prahramu ŭzamien
U listapadzie ŭ prahramie telekanała ANT, jaki praź niedachop ułasnaha kantentu retranśluje rasijski Pieršy kanał, źmianiŭsia čas pakazu prapahandysckaha rasijskaha tok-šou «Čas pakaža».
Rasijski Pieršy kanał pakazvaje štodnia try vypuski hetaj prahramy — jany pryśviečanyja jak mižnarodnym temam, tak i prablemam unutry krainy.
Heta samaja adyjoznaja prahrama, u jakoj u skandalnaj maniery vykryvajucca vorahi Rasii. Jaje viadučy — Arciom Šejnin.
Čytajcie taksama: «Ja zabivaŭ, dalej što?» — viadučy Pieršaha kanała šakavaŭ pryznańniem u prahramie pra Matarołu VIDEA
Čytajcie taksama: Rasijski Pieršy kanał pryśviaciŭ tok-šou padručniku historyi Trusava. Ad Biełarusi byli Kibalčyč i Stužynskaja VIDEA
Raniej ANT pakazvaŭ hetaje tok-šou udzień, ale ciapier jaje pakaz pieranieśli bližej da 12 hadzin nočy.
Pa časie hetaja reforma ŭ efiry supała z krytyčnymi zajavami niekatorych biełaruskich parłamientaryjaŭ u bok rasijskaha TB, a taksama karykaturaj na NTV ad centralnaj uładnaj haziety «Sovietskaja Biełoruśsija».
«Čamu pieranieśli? Prosta nam ludzi zvanili, kazali, što im niazručna ŭdzień hladzieć prahramu, prasili pastavić paźniej. My praanalizavali sietku i pastavili tudy, kudy była mahčymaść, na bolš poźni čas», — abhruntavali rašeńnie ŭ pres-słužbie ANT.
Na kanale taksama paviedamili, što rychtujecca novaje tok-šou, jakoje maje zamianić rasijskija.
Ale detali zadumy pakul nie raskryvajuć.
***
Na telehram-kanał «Našaj Nivy» možna padpisacca tut.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary