Siońnia ŭ Bieraściejskim dziaržaŭnym universytecie imia Puškina adbylisia tak zvanyja prafilaktyčnyja hutarki vykładčykaŭ sa studentami. Jak paviedamiŭ radyjo «Svaboda» student histaryčnaha fakultetu Aleh Lohki, rektar Miačysłaŭ Časnoŭski zahadvaje, kab kalektyŭ vnu prahałasavaŭ daterminova. Pry toj systemie daterminovaha hałasavańnia, jakaja isnuje ŭ Biełarusi, jość šyrokija mahčymaści manipulavać hałasami vybarnikaŭ.
«Da nas na vučebnuju paru pryjšoŭ namieśnik dekana i zahadaŭ: «Padymicie ruki, chto žyvie ŭ internatach». Paśla hetaha jon źviarnuŭsia da studentaŭ: «Kali łaska, prašu vas siońnia ci zaŭtra pajści na svoj vybarčy ŭčastak i prahałasavać»? – raskazvaje Aleh Lohki.
Namieśnik dekana paviedamiŭ, što takaja ŭstanoŭka zychodzić ad rektara, — kaža Aleh Lohki, — maŭlaŭ, rektar patrabuje daterminovaha hałasavańnia ad nas, tamu ja patrabuju hetaha ad vas.
«My nia chočam, kab u našaha fakultetu byli prablemy. Tamu prahałasujcie ŭsie», — zajaviŭ studentam namieśnik dekana.
Nahadajem, što siońnia ŭ Biełarusi pačynajecca daterminovaje hałasavańnie na «parłamienckich vybarach». Pry toj systemie daterminovaha hałasavańnia, jakaja isnuje ŭ Biełarusi, jość šyrokija mahčymaści manipulavać hałasami vybarnikaŭ.
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary