Alaksandr Łukašenka paabiacaŭ padpisać Dekret «Ab raźvićci ličbavaj ekanomiki» da Novaha hoda. Pra heta jon zajaviŭ na plenarnym pasiadžeńni II Źjezda vučonych Biełarusi, piša Tut.by.
— U śviecie infarmacyjnyja technałohii pranikajuć paŭsiul, niezdarma sučasnuju ekanomiku nazyvajuć ličbavaj. Pahladzicie, što zaraz adbyvajecca: rabatyzacyja achoplivaje pramysłovaść, IT-płatformy vyciaśniajuć tradycyjny handal, błokčejn — finansy, štučny intelekt usio čaściej zamianiaje čałavieka ŭ zvykłych śfierach žyćcia. I ŭ nas infarmacyjna-kamunikacyjnyja technałohii varta nakiroŭvać na stvareńnie intelektualnych sistem, apracoŭki zvyšvialikich abjomaŭ dadzienych, padtrymki pryniaćcia rašeńniaŭ dla orhanaŭ dziaržaŭnaha kiravańnia, — adznačyŭ jon.
Alaksandr Łukašenka padkreśliŭ, što ŭsio, što jon pieraličyŭ vyšej, užo raźvivajecca ŭ Biełarusi.
— Heta nie prosta niejkija mary. Niekatoryja navukoŭcy mnohich dziaržaŭ tolki marać pra heta i zavučvać hetyja terminy, sprabujuć zrazumieć ich sutnaść. U nas heta ŭžo atrymała raźvićcio. Treba tolki nie spyniacca na dasiahnutym, a dziejničać i iści napierad.
Na dumku kiraŭnika krainy, pavinien vyjści na novyja haryzonty raźvićcia i Park vysokich technałohij.
— Litaralna na dniach my hruntoŭna razhledzieli prajekt dekreta, jaki možna nazvać revalucyjnym. Jak ja i abiacaŭ, jon budzie padpisany da Novaha hoda. Jon stvaraje ŭmovy dla vychadu našaj krainy ŭ hetaj śfiery ŭ lik najbolš pieradavych dziaržaŭ, a pa asobnych kirunkach dazvolić stać adnym z suśvietnych lidaraŭ. Vykanaŭšy ŭsie pałažeńni dekreta, my jašče pojdziem napierad u realizacyi ambicyjnaha prajekta pabudovy IT-krainy, — zaŭvažyŭ Łukašenka.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary