«Vuń Marzaluk zatuzaŭsia»: Łukašenka zaklikaŭ navukoŭcaŭ baranić pazicyi dziaržavy ŭ ŚMI
«Internet i ŚMI napoŭnieny dumkami psieŭdaanalitykaŭ, jakija sprabujuć razburyć stabilnaść i spakoj u našym hramadstvie», — zajaviŭ Alaksandr Łukašenka na plenarnym pasiadžeńni II Źjezda vučonych Biełarusi. Kiraŭnik krainy ličyć, što navukoŭcam i bujnym vytvorcam treba bolš aktyŭna kantaktavać z žurnalistami, kab adstojvać pazicyi dziaržavy, piša Tut.by.
— Internet nie zaŭsiody na karyść Biełarusi, — adznačyŭ Alaksandr Łukašenka.
Jon miarkuje, što navukoŭcam-humanitaryjam treba vučycca procidziejničać niehatyŭnym tendencyjam u hetaj śfiery.
— Siońnia ŚMI, internet napoŭnieny dumkami roznych psieŭdaanalitykaŭ, jakija sprabujuć razburyć stabilnaść i spakoj u našym hramadstvie. Siońnia idzie hłabalnaja suśvietnaja vajna, ale jana idzie novymi mietadami i pierš za ŭsio ŭ srodkach masavaj infarmacyi, — kaža Łukašenka.
Pavodle słoŭ kiraŭnika krainy, u Biełarusi «nie zabaronieny nijakija srodki masavaj infarmacyi, u tym liku elektronnyja».
— Jany prastrelvajuć našuju krainu naskroź.
Nieabchodna, kab u adkaz hučna i vyrazna hučała mierkavańnie aŭtarytetnaha vučonaha-dziaržaŭnika. Kolki z tysiač našych navukoŭcaŭ-dziaržaŭnikaŭ siońnia viedajuć narod? Dzie tyja navukoŭcy patryjoty, jakija pavinny baranić dziaržavu ŭ hetaj infarmacyjnaj vajnie? Vuń Marzaluk zatuzaŭsia… Akramia ciabie, napeŭna, nikoha tak voś i nie nazavieš adrazu, — źviarnuŭsia Alaksandr Łukašenka da deputata Nacyjanalnaha schodu Ihara Marzaluka. — A ŭ nas ža ŭ asnoŭnym dziaržaŭnyja ŚMI, chto vas tudy nie puskaje? Potym skardziacca žurnalisty, što i navukoŭca, i bujnoha rabotnika vytvorčaści «ŭ televizar» vielmi składana ŭciahnuć. Heta što, narmalny padychod? Heta vy pavinny iści na hety «front», kab nie było «frontu» inšaha.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary