Abajalny Baton, udumlivy Safokł i sama piaščota hetaha śvietu — Sašańka. Troch hetych čysta biełaruskich piersanažaŭ stvaryła dyzajnierka Maryna Žardzieckaja.
Zadumana plušavaja bulba najpierš jak kałarytny biełaruski suvienir. Cacki nasamreč nievialikija, 10-15 santymietraŭ. Heta ručnaja praca.
Ale jość jašče i Car Bulba, jon udvaja bolšy — 30 santymietraŭ.
«Mnie chaciełasia, kab u nas byli niejkija cikavyja biełaruskija suvieniry, — kaža majstarka Maryna Žardzieckaja. — Ja ŭžo niekalki hod zajmajusia šyćciom, rablu cacki i paduški, tamu źviartaju ŭvahu na toje, što ŭ nas pradajecca. I zaŭvažyła, što biełaruskija suvieniry, pa-ščyraści, «kałhasnyja»: z sałomy, z pryklejenymi vačami… Mnie b nie chaciełasia, naprykład, taki suvienir. Kali b ja pryjechała ŭ Minsk pašpacyravać, mnie b chaciełasia zabrać štości bolš sučasnaje i viasiołaje. I ja padumała, što možna zrabić takuju bulbu sa śmiešnymi vačami, z emocyjami, kab ludziam zachaciełasia ŭziać jaje z saboj, pakazać inšym, jakaja ŭ nas tut bulba žyvie. I biełarusam taksama, dumaju, budzie cikava zavieści ŭ siabie doma maleńkuju bulbu».
Zamović sabie plušavaha bulba-siabra možna na Ulej. Adzin abydziecca ŭ 8 rubloŭ, adrazu try — u 20 rubloŭ.
«Tak, u jaje niama nijakaha funkcyjanału, i ŭsie jaje vidavočnyja pieravahi zvodziacca da biezdakornaha vonkavaha vyhladu. Ale heta nie ŭsio. U Bulby jość duša, i bolš za ŭsio na śviecie jana choča stać tvaim samym viernym siabram», — tak prezientujuć hetyja miłyja stvareńni.
Kamientary