Hramadstva3131

Hanna Sieviaryniec: Nie! U mianie nie atrymajecca!

Ideja, kab najlepšyja nastaŭniki-pradmietniki zajmalisia z adoranymi dziećmi cełaha rajona, — nierealistyčnaja, piša nastaŭnica rasiejskaj movy i litaratury sa Smalavič.

Prydumali novaŭviadzieńnie. Nastaŭniki, jakija rychtujuć alimpijadnikaŭ, ciapier pavinny ź niejkaj pieryjadyčnaściu jeździć pa škołach rajona i pravodzić tam zaniatki dla tamtejšych adoranych dziaciej.

Voś mianie ździŭlajuć hetyja śvietłyja hałovy, u jakija prychodziać takija idei. Tut navat nie ŭ kankretnaj idei — tut u padychodzie sprava. Jak palepšyć vyniki rajona ŭ alimpijadnym ruchu? Pravilna! Prymusić nastaŭnikaŭ, u jakich choć niešta ŭ hetym kirunku atrymlivajecca, u volny ad urokaŭ čas za kapiejki jeździć svaim chodam ź niazručnym raskładam na redkich aŭtobusach pa vioskach i rychtavać alimpijadnikaŭ za sorak piać chvilin. Niaŭžo nie vidavočna, što nastaŭniki, aščaśliŭlenyja takoj pryŭkrasnaj pierśpiektyvaj, pačnuć pracavać jašče lepš, jašče pryhažej, jašče viesialej — z čužymi dziećmi?

Alimpijadniki — heta ž asablivyja dzieci. Ich nielha rychtavać kanviejeram, dy jašče i za sorak piać chvilin. Alimpijadnikaŭ hadujuć hadami. Nie ŭ kožnym kłasie navat taki siadzić — kab mienavita pa tvaim pradmiecie.

Da mianie inšy raz prychodziać dasłanyja inšymi piedahohami dzieci — rychtavacca da alimpijady. Ich nastaŭniki dumajuć, što jany alimpijadniki. Dzieci zaŭsiody dobryja, starannyja, vočki asensavanyja, i, zdajecca, sufiks formaŭtvaralny ad słovaŭtvaralnaha adroźnivajuć, to bok niešta ŭsio ž bliščyć, ale jany ž, boža moj, ni «Bieły ikoł» nie čytali, ni «Čałaviek-amfibija», dy što tam, jany naohuł nie čytajuć bolš za prahramu i sa ździŭleńniem hladziać na mianie, kali ja pytajusia, a što jany ŭvohule voś viečaram buduć čytać. Jak što? Dy ničoha. Vyśviatlaju pieravahi, daju śpis knih, jakija pračytać. Tydzień prachodzić. Adzin pračytaŭ try staronki, druhi — piać. Što takoje, pytajusia. A z telefona niazručna. A što, knihu ŭziać niama dzie? Dyk voś niama dzie! Jakija ŭ vas doma, pytajusia, knihi jość? Nijakich! Biblijateka ŭ vas tam jość? Začynili. U našu rajonnuju? Zapisanyja, ale niama kali schadzić, spaźniusia na aŭtobus. Niasu im knihi svaje, z chatniaj biblijateki. A što rabić? Ahulnaje raźvićcio — na nuli. Razumovyja apieracyi — tolki kali najprostyja. Krychu ŭ bok ad «śpišycie i ŭstaŭcie litary» — stupar. A heta nie za sorak piać chvilin vypracoŭvajecca. Heta ž hadami, ludzi miłyja, hadami, štodnia, u siamji, z hutarkami z darosłymi, pa knihach, blin, za štodzionnym čytańniem!

Bzdura, što ciapierašnija kandydaty ŭ alimpijadniki pa ruskaj ŭžo nie viedajuć, što takoje «kibitka» i «pušistyje brazdy». Heta kvietački. Jany nie viedajuć, što takoje «pryvilej». «Precedent» — naohuł z vobłaści niespaznavalnaha. Nie razumiejuć, dzie pamyłka ŭ skazie «jak z kurycy vada».

Boža moj, boža moj. «Vy ž taki śpiecyjalist, Hanna Kanstancinaŭna, niaŭžo ŭ vas nie atrymajecca?» — Nie! U mianie nie atrymajecca!

Možna, viadoma, advajavać prava nie prymać analizy kału ŭ škole. Možna adbicca ad padpiski. Usio heta možna. Ale da taho času, pakul adukacyjaj na lubych uzroŭniach kirujuć takija śvietłyja hałovy, jakija čamuści nie razumiejuć pryčyn, śledstvaŭ, uzajemasuviaziaŭ i łahičnych łancužkoŭ u razumovaj dziejnaści čałaviečaha mozhu, blin — nie budzie, nie budzie nijakaha tołku.

Kamientary31

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Usie naviny →
Usie naviny

Śmierć udovam. Archieołah raskazaŭ pra znachodku, jakaja śviedčyć pra žudasny zvyčaj pieršych słavian na Biełarusi31

Bum na matču pa ŭsim śviecie: popyt raście, zapasy źmianšajucca5

Piać parad, jak prosta pazbavicca ad pachu i plam potu na adzieńni3

Rasijanie try hadziny bili pa Charkavie KABami, balistykaj i šachiedami. Ździejśniena kambinavanaja ataka na Dniapro2

«Kupałaŭcy» anansavali pačatak novaha teatralnaha siezona1

Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus pajechaŭ bieź jaje5

Staŭ viadomy los źbiehłych dzikabrazaŭ u Rečyckim rajonie2

Bieraściejec uvoziŭ u Polšču biarozavaje palena. Akazałasia, heta kostka mamanta2

Vydaliŭ akaŭnt, pačyściŭ techniku — i ŭsio adno pryjšli. Mikita Łosik raskazaŭ, jak jaho vyličyli siłaviki25

bolš čytanych navin
bolš łajkanych navin

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Hałoŭnaje
Usie naviny →

Zaŭvaha:

 

 

 

 

Zakryć Paviedamić