Absurdny vypadak zdaryŭsia ŭ Viciebsku. Naprykancy kastryčnika miascovaja žycharka hulała ŭ dvary razam z 15-hadovaj dačkoj. La adnaho z damoŭ jany ŭbačyli kvietki raschodniki na kłumbie. Vyrašyli sarvać, kab zrabić ikiebanu. Piensijanierka ź pieršaha pavierchu źniała heta na videa i adpraviła ŭ Śledčy kamitet. A tam dziejańni vicieblanki i jaje dački rascanili jak rabavańnie, ciapier im pahražaje da šaści hod źniavoleńnia.
Ilustracyjnaje fota
Infarmacyju ŭ siabie na staroncy ŭ fejsbuku apublikavaŭ viciebski advakat Ihar Ściapanaŭ, jaki pradstaŭlaje intaresy abvinavačanych. Pa jaho słovach, kali da jaho źviarnulisia pa kansultacyju, jon navat pavieryć nie moh, što śledčyja ŭsurjoz mohuć zavieści kryminalnuju spravu pa takoj drobiazi, dyj jašče pa takim surjoznym artykule. Sprava ŭ tym, što košt papsavanych kvietak acanili na 30 rubloŭ. Hetaha niedastatkova dla zaviadzieńnia kryminalnaj spravy. Maksimum, što moža pahražać vicieblancy i jaje dačce, — administratyŭny štraf.
Advakat charaktaryzuje siamju stanoŭča, kaža, što ŭ baćki jurydyčnaja adukacyja i svoj biznes. Adnak praz hety vypadak u siamji ŭžo pačalisia prablemy — ich pastavili na ŭlik jak sacyjalna-niebiaśpiečnuju siamju. A dziaŭčynku ŭ škole ckujuć adnakłaśniki.
Da suda sprava pakul nie dajšła. Abaronca ŭpeŭnieny, što składu kryminalnaha złačynstva ŭ dadzienym vypadku niama.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu46
Kamientary