Minčuk vyjhraŭ usiedarožnik u łatareju — ale nie moh jaho zabrać, bo siadzić u SIZA za kradziež aŭto
U Minsku 18 śniežnia razyhryvali pryzy čarhovaj rekłamnaj hulni «Jeŭraopta». Adnak adzin ź ich — aŭtamabil Hyundai Creta — pakul nie znajšoŭ svajho ŭładalnika, bo im staŭ 19-hadovy žychar stalicy Kanstancin, jaki ciapier znachodzicca ŭ SIZA pa padazreńni va ŭhonie, paviedamlaje Tut.by sa spasyłkaj na BiełTA. Arhanizatary vyśviatlajuć abstaviny situacyi, jakaja skłałasia, kab vyznačyć, kamu ž pavinien być uručany pryz.
Źviazacca z chłopcam nie ŭdałosia, na telefanavańni pa ŭkazanym u asabistym kabiniecie pieramožcy numary adkazvaje jaho dziaŭčyna Iryna. Pavodle jaje słoŭ, Kanstancin znachodzicca z kastryčnika ŭ śledčym izalatary. Chłopca padazrajuć u kradziažy aŭtamabila. Dziaŭčyna raspaviała, što mienavita jana ŭ apošni čas karystałasia dyskontnaj kartkaj maładoha čałavieka.
Pavodle ŭmovaŭ hulni, nieabchodna asabista źjavicca za pryzam, a taksama dać peŭnyja dakumienty. U hetaj situacyi arhanizataram hulni nieabchodna atrymać paćviardžeńnie najaŭnaj infarmacyi, a taksama acenku z boku jurystaŭ i inšych śpiecyjalistaŭ. Pakul kluč ad aŭto zastajecca ŭ arhanizataraŭ.
Heta nie pieršy vypadak za historyju hulni, kali ŭźnikaje pytańnie, kamu pavinien być uručany pryz. Padčas rozyhryšu pryzoŭ 6-ha tura było abvieščana, što ŭładalnikam hałoŭnaha pryza — Audi A4 — staŭ žychar pasiołka Kałodziščy pad Mienskam. Ale ŭ momant ŭručeńnia pryza akazałasia, što jon — hramadzianin RF i nie maje dazvołu na žycharstva ŭ Biełarusi. Na toj momant abaviazkovaj umovaj udziełu ŭ hulni dla zamiežnikaŭ było najaŭnaść mienavita takoha dakumienta. U vyniku prava na atrymańnie aŭtamabila pierajšło da hulca z reziervovym kodam.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary