U čaćvier u Katałonii adbuducca pazačarhovyja rehijanalnyja vybary, pryznačanyja Madrydam paśla taho, jak katałonski parłamient u kancy kastryčnika prahałasavaŭ za vychad aŭtanomii sa składu Ispanii.
1 kastryčnika ŭ Katałonii prajšło hałasavańnie pra adździaleńnie rehijona ad Ispanii, u jakim pryniali ŭdzieł mienš za pałovu miascovych vybarščykaŭ. Ni Madryd, ni mižnarodnaja supolnaść nie pryznali refierendum zakonnym.
Siońnia hałoŭnaje pytańnie — ci zmohuć prychilniki niezaležnaści zabiaśpiečyć sabie bolšaść u katałonskim parłamiencie.
Na vybarach 2015 hoda bolšaść sieparatysckich partyj vystupiła adzinym frontam pad łozunham «Razam skažam «Tak», zaklikajučy vybarščykaŭ padtrymać ideju praviadzieńnia refierendumu i prahałasavać za abviaščeńnie niezaležnaści.
Siońnia ŭ łahiery niezaležnikaŭ adzinstva niama: levyja respublikancy admovilisia ad supracoŭnictva z partyjaj Pučdemona.
Zamiest hetaha «Demakratyčnaja kanvierhiencyja», jakaja ciapier vystupaje pad nazvaj «Katałonskaja jeŭrapiejskaja demakratyčnaja partyja», abjadnałasia ź niezaležnymi kandydatami ŭ aljans «Razam za Katałoniju».
«Kandydaty narodnaha adzinstva», jak i dva hady tamu, udzielničajuć u vybarach samastojna.
Apytańni hramadzkaj dumki havorać ab tym, što ŭ novym składzie parłamienta prychilnikam niezaležnaści moža krychu nie chapić da absalutnaj bolšaści.
Rašeńnie Karlesa Pučdemona źbiehčy ŭ Bielhiju i zastavacca tam u vyhnańni znajšło padtrymku siarod jaho prychilnikaŭ, jakija paličyli, što ŭ hetym składajecca ich adziny šaniec nie dać zahasnuć novaj niezaležnaj respublicy.
Adnak u pradstaŭnikoŭ inšych palityčnych siłaŭ demarš Pučdemona vyklikaŭ vielmi niehatyŭnuju i chvaravituju reakcyju, piša Bi-bi-si.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia13
Kamientary