
Novaja redakcyja dekreta №3 pavinna być pryziamlonaj i zbałansavanaj. Pra heta Alaksandr Łukašenka zajaviŭ siońnia na naradzie ab prajektach pravavych aktaŭ, nakiravanych na raźvićcio realnaha siektara ekanomiki, navukovaj dziejnaści i zabieśpiačeńnie zaniataści nasielnictva, piša BiełTA.
«Asabliva staranna treba abmierkavać prapanovy ŭrada pa zabieśpiačeńni zaniataści nasielnictva. Ja abiacaŭ, što da kanca hetaha hoda my raspracujem i prymiem dekret prezidenta, jaki budzie raźvivać viadomy dekret №3. My z vami tady damovilisia, kab my nie padviarhalisia krytycy i nas nie nazyvali retrahradami, my pavinny dapracavać hety prajekt z ulikam tych niedachopaŭ i, mahčyma, pamyłak, jakija byli dapuščanyja pry raspracoŭcy dekreta №3, zrabić jaho pryziemlenym», — skazaŭ Alaksandr Łukašenka.
Kiraŭnik dziaržavy padkreśliŭ, što hety dakumient pavinien być zbałansavanym. «Z adnaho boku, ludziam dać mahčymaść pracaŭładkavacca, z druhoha boku, prymusić pracavać tych, chto siońnia moža, ale nie choča», — rastłumačyŭ jon.
Łukašenka pierakanany: kali čałaviek trapiŭ u ciažkuju situacyju, jaho treba padtrymać, a kali jon sapraŭdy darmajed, značyć, jaho treba prymusić pracavać. «I hetym buduć zajmacca miascovyja orhany ŭłady. My im pavinny stvaryć pravavy kalidor, jak jurysty kažuć, pravavoje pole», — adznačyŭ kiraŭnik dziaržavy.
***
Kamientary