Parlamenckija vybary‑2008 buduć najmienš kankurentnymi ŭ najnoŭšaj historyi krainy. Adnak jany majuć usie šancy stać pieršymi pryznanymi.
Parlamenckija vybary‑2008 buduć najmienš kankurentnymi ŭ najnoŭšaj historyi krainy. Adnak jany majuć usie šancy stać pieršymi pryznanymi.
U absalutnaj bolšaści akruhaŭ za Mienskam budzie ci adzin, ci dva kandydaty. Z vybarčaj honki syšli piaciora mienskich pradstaŭnikoŭ AHP, ale, pad ciskam zachodnich dyplamataŭ, zastalisia Partyja BNF i BCHD.
Bajkotu nia budzie
Pra toje, što nijakaha bajkotu nia budzie, lidery ADS zajavili jašče 12 vieraśnia. Faktyčna, zrabiŭšy nastupnaje pasiadžeńnie Palitrady spravaj pustoj. Było pryniataje «kampramisnaje» rašeńnie, pavodle jakoha ŭžo ciapier možna havaryć, što kaalicyja nie pryznaje vybary ni svabodnymi, ni spraviadlivymi. Heta paćvierdziać svaimi podpisami ŭsie vyłučency sa «śpisu 110‑ci».
Razam z tym, na zaklučnym etapie vybarčaj kampanii apazycyja źbirajecca skancentravacca na nazirańni za padlikam hałasoŭ. Rabicca heta budzie na tych akruhach, dzie balatujucca kankurentazdolnyja kandydaty, z metaj demanstracyi kankretnych dokazaŭ falsyfikacyi vybaraŭ.
Varta adznačyć, što
pierafarmulavać svajo papiaredniaje rašeńnie byŭ vymušany i Sojm BNF.Raniej partyja pryniała pastanovu ab źniaćci svaich kandydataŭ u deputaty da 23 vieraśnia. Paśla hetaha źjaviŭsia list piatnaccaci niezadavolenych vyłučencaŭ BNF (pieravažna rehijanałaŭ), jakija vystupali za ŭdzieł u vybarach da kanca.
Novym rašeńniem Sojm «dazvoliŭ» kandydatam źnimacca, a nie abaviazaŭ. Takim pravam skarystalisia tolki dvoje — Stanisłaŭ Sudnik u Lidzie i namieśnik staršyni partyi Alaksiej Janukievič u mienskaj Čyžoŭcy. Astatnija zastalisia.
Ad BCHD, jakaja taksama zajaŭlała pra imavierny bajkot vybaraŭ, źnialisia taksama tolki dva kandydaty — Taciana Sieviaryniec (Viciebskaja‑Horkaŭskaja akruha) i Kastuś Žukoŭski (Buda‑Kašaloŭskaja).
Niečakana ž
samaje masavaje źniaćcio kandydataŭ adbyłosia ŭ AHP.Z vybarčaj honki dobraachvotna syšli adrazu piaciora vyłučencaŭ partyi pa Miensku. Svajo rašeńnie kandydaty rastłumačyli tym, što jany tak i nie zmahli nadrukavać ahulnuju pieradvybarčuju ŭlotku. Pradstaŭniki AHP źviartalisia ŭ paŭdziasiatka typahrafij, ale paŭsiul sutykalisia z admovaju.
Źnialisia klučavyja fihury AHP — Alaksandar Dabravolski (Śvisłackaja vybarčaja akruha № 94), Valancina Palevikova (Kupałaŭskaja vybarčaja akruha № 95), Stanisłaŭ Bahdankievič (Čkałaŭskaja vybarčaja akruha № 96), a taksama maładziejšyja Hanna Jahorava (Paŭdniova‑Zachodniaja akruha № 99) i Kaciaryna Małasajeva (Kołasaŭskaja vybarčaja akruha № 106).
U vyhladzie vyklučeńnie było vyrašana pakinuć staršyniu AHP Anatola Labiedźku jak sustaršyniu ADS.Darečy, praca mienskaha kryła partyj u značnaj stupieni i budzie skiravanaja na nazirańnie za vybarami ŭ Staravilenskaj akruzie, dzie i balatujecca Labiedźka.
Na siońnia ŭ vybarach praciahvajuć udzielničać 66 vyłučencaŭ ad ADS, a taksama 22 ad «Eŭrapiejskaj kaalicyi».
Pryznańnie
Na adnoj z apošnich pres‑kanferencyj staršynia BNF Lavon Barščeŭski narakaŭ, što
apazycyja ŭdzielničaje ŭ vybarach da kanca ŭ tym liku pa prośbach zamiežnych partnioraŭ.Ci nia heta samy jaskravy prykład, što Zachad hatovy, chaj i abmiežavana, ale pryznać lehitymnymi hetyja vybary. Varyjant z pryznańniem paśla masavaha źniaćcia apazycyjaj svaich kandydataŭ, pry 50 % biezalternatyŭnych akruh, vyhladaŭ by dosyć cynična.
Vizyt ministra zamiežnych spravaŭ Polščy Radasłava Sikorskaha, a taksama zajavy šmatlikich litoŭskich palitykaŭ śviedčać taksama pra žadańnie susiednich krain palepšyć stasunki ź Biełaruśsiu. Vybary — idealnaja dla hetaha nahoda.
A meta — vyrvać chaj navat aŭtarytarnuju Biełaruś z‑pad upłyvu Maskvy.
Łukašenka taksama va ŭsich interviju padkreślivaje, što zacikaŭleny ŭ pryznańni vybaraŭ.
Daterminova prahałasavali 7 % vybarcaŭ
U daterminovym hałasavańni na vybarach deputata Pałaty pradstaŭnikoŭ Nacyjanalnaha schodu 23 i 24 vieraśnia ŭziali ŭdzieł 7 % vybarcaŭ. Pra heta paviedamiŭ
BIEŁTA sakratar CVK Mikałaj Łazavik.
Na Bieraściejščynie daterminova prahałasavali — 6,3 % vybarcaŭ, na Viciebščynie — 8,3 %, u Homielskaj vobłaści — 7,7 %, Haradzienskaj — 5,8 %, Mienskaj — 7,5 %, Mahiloŭskaj — 7,3 %, i ŭ Miensku — 6,2 %
«Lublu, kali biełarusy biełarusiacca»: u sacsietkach žartujuć z nadvorja i abmiarkoŭvajuć prablemy3
Kamientary