Rynha Star atrymaŭ zaprašeńnie ŭ Bukinhiemski pałac, dzie jaho pavinny paśviacić u rycary. Jak i inšy ŭdzielnik The Beatles Poł Makartni, jon atrymaje prava dałučyć da svajho imia tytuł «ser».
Farmalna ab paśviačeńni 77-hadovaha Rynha Stara abvieściać na hetym tydni, ale list bubnač The Beatles atrymaŭ jašče niekalki tydniaŭ tamu, paviedamlaje RBK sa spasyłkaj na The Sun.
Pa słovach blizkaha siabra jaho siamji, dla muzyki hetaja navina stała «hromam siarod jasnaha nieba», ale sam jon mocna natchniony hetym faktam.
Krynica haziety paviedamiła, što paśviačeńnie Rynha Stara ŭ rycary stanie pryznańniem vielizarnaha ŭkładu The Beatles u raźvićcio muzyki. «Škada, što nie atrymajecca hetak ža adznačyć Džona Lenana i Džordža Charysana», — zajaviŭ jon. Poła Makartni paśviacili ŭ rycary jašče ŭ 1997 hodzie.
Rynha Star, jakoha nasamreč kličuć Ryčard Starki, faktyčna nie atrymaŭ adukacyi, ale zatoje navučyŭsia hrać na barabanach i ciapier źjaŭlajecca ŭładalnikam €340 młn. Da hurta The Beatles jon dałučyŭsia ŭ 1962 hodzie, zamianiŭšy Pita Biesta. Na toj momant Rynha Staru było 22 hady.
Jak adznačaje vydańnie, Star nie napisaŭ stolki piesień, kolki inšyja ŭdzielniki hurta, ale zatoje prydumaŭ vyraz Hard Day's Night (viečar ciažkaha dnia).
Kamientary