U noč na subotu 16 śniežnia ŭ bary na Zybickaj skrali futra. Dziaŭčynu, jakaja zastałasia bieź jaho, zavuć Julija (imia źmieniena). Kali jana pierakanałasia ŭ adsutnaści vierchniaha adzieńnia, razam z chłopcam adpraviłasia pisać zajavu ŭ Centralny RUUS.
— Centralnym rajonnym adździełam Śledčaha kamiteta raspačata kryminalnaja sprava pa č.1 art. 205 (kradziež) Kryminalnaha kodeksa Respubliki Biełaruś u dačynieńni da 23-hadovaj dziaŭčyny, — paviedamiła TUT.BY Maryna Drańkova, aficyjny pradstaŭnik upraŭleńnia SK pa Minsku. — Jana padazrajecca ŭ tym, što ŭ noč na 16 śniežnia ŭ bary pa vulicy Zybickaj ździejśniła kradziež futra koštam 3000 rubloŭ (ułaśnica acaniła jaho ŭ dźvie tysiačy dalaraŭ)
Pieršapačatkovyja zdahadki ab tym, što kradziež byŭ učynieny hrupaj asob, nie paćvierdzilisia. Asoba fihurantki ŭstanoŭlena, śledčyja viarnuli futra ŭłaśnicy.
— Padazravanaja raskajałasia ŭ zroblenym. Padčas ździajśnieńnia supraćpraŭnych dziejańniaŭ jana znachodziłasia ŭ stanie ałkaholnaha apjanieńnia. Paciarpiełaja i padślednyja znajomymi nie byli. Raniej da kryminalnaj adkaznaści dziaŭčyna nie pryciahvałasia. Zatrymanaja adpuščanaja pad abaviazacielstva ab jaŭcy, — taksama paviedamiła Maryna Drańkova.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary