Sprava dvaich leśnikoŭ, jakija atrymali chabar ad udzielnikaŭ arhanizavanaj złačynnaj hrupy za niepaviedamleńnie ab vyjaŭlenaj imi ŭrezcy ŭ mahistralny naftapraduktapravod «Sianno-Dzisna», u najbližejšy čas budzie razhladać sud, paviedamlaje Połacki adździeł Śledčaha kamiteta.
Pavodle dadzienych śledstva, leśniki DŁHU «Połacki lashas» schavali vyjaŭleny imi fakt raźlivu dyzielnaha paliva ŭ lesie, što ŭtvaryŭsia ŭ vyniku paškodžańnia truby i niesankcyjanavanaj urezki arhanizavanaj złačynnaj hrupaj u mahistralny naftapraduktapravod «Sianno-Dzisna».
U červieni 2015 hoda leśniki atrymali ad arhanizatara złačynnaj hrupy chabar u ahulnaj sumie 2200 rubloŭ i 500 dołaraŭ ZŠA za toje, što nie praduchilili zabrudžvańnia lasoŭ chimičnymi rečyvami i nie skłali pratakoły ab administracyjnych pravaparušeńniach.
Śledčymi vystaŭlena abvinavačańnie 28-hadovamu i 37-hadovamu mužčynam na padstavie častki 2 artykuła 430 Kryminalnaha kodeksa Respubliki Biełaruś (atrymańnie chabaru, ździejśnienaje hrupaj asob pa papiaredniaj zmovie). Jany znachodziacca pad padpiskaj ab niavyjeździe.
Sprava złačynnaj hrupy, jakaja abvinavačvajecca ŭ kradziažy dyzielnaha paliva ŭ 2014—2015 hh. z naftapraduktapravodu šlacham niesankcyjanavanaha ŭrazańnia i jaho paškodžańni na ŭčastku «Sianno-Dzisna» Połackaha rajona, dačy chabaru słužbovym asobam DŁHU «Połacki lashas», była zavieršanaja raniej.
Viciebskim abłasnym sudom arhanizatar arhanizavanaj złačynnaj hrupy asudžany da 11 hadoŭ pazbaŭleńnia voli, ŭdzielniki — ad 6,6 hadoŭ da 7,6 hadoŭ z adbyvańniem pakarańnia ŭ papraŭčaj kałonii ŭzmocnienaha režymu z kanfiskacyjaj majomaści.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary