«Russkaja płanieta»: Chopić finansavać antyrasijskuju represiŭnuju mašynu Biełarusi

Rasijski infarmacyjna-analityčny resurs «Russkaja Płanieta» vypuściŭ materyjał pad źnievažalnym zahałoŭkam «Biełaruskaja fiederalnaja akruha». U svaim artykule stały aŭtar «Ruskaj Płaniety» Andrej Karelin abvinavaciŭ biełaruskija ŭłady ŭ paturańni antyrasijskaj dziejnaści, «biełarusizacyi» i parazitavańni na Rasii, a taksama pryjšoŭ da vysnovy, što rasijska-biełaruskija adnosiny pavinny być pierafarmatavanyja.

Pavialičyć

Aŭtar śćviardžaje, što adnosna vysoki ŭzrovień žyćcia ŭ Biełarusi (u paraŭnańni z susiednimi rasijskimi rehijonami) dasiahaŭsia ŭ pieršuju čarhu za košt biaskoncych datacyj z boku Rasii. Karelin ličyć, što Biełaruś de-fakta źjaŭlajecca datacyjnym rehijonam Rasii, navat słova «niezaležnaść» u dačynieńni da Biełarusi jon užyvaje ŭ dvuchkośsi.

Žurnalist «Ruskaj Płaniety» abvinavačvaje Biełaruś u tym, što niahledziačy na vialikija datacyi z boku Rasii naša kraina była samym nienadziejnym chaŭruśnikam, ihnarujučy prośby ŭschodniaha susieda ab pryznańni niezaležnaści Abchazii, Paŭdniovaj Asiecii i dałučeńnia Kryma da Rasii.

Nie abminuŭ uvahaj Andrej Karelin i biełaruska-ŭkrainskija adnosiny ŭ śfiery vajskova-pramysłovaha kompleksu.

«Va ŭzbrojenych sił «Niezaležnaj» źnianacku źjavilisia biełaruskija MAZy. Chiba ž ZŠA ich pastaŭlaje? «Točka U» i SAU «Pijon», ź jakich abstrelvajecca terytoryja Danbasa, padkatvajecca na pazicyi minskimi ciahačami. Adkul jany ŭzialisia na terytoryi, kantralavanaj Uzbrojenymi siłami Ukrainy», — pytajecca aŭtar.

Andrej Karelin, jaki paznačany na sajcie «Ruskaj Płaniety» jak kreatyŭny redaktar i kulturny ahladalnik, źviartaje ŭvahu i na pracesy, jakija nibyta adbyvajucca ŭ biełaruskim hramadstvie.

Pavialičyć

Na dumku aŭtara, biełaruskija «śviadomyja nacyjanał-revizory» zajmajucca sistematyčnym ckavańniem pradaŭcoŭ, aficyjantaŭ, kiroŭcaŭ aŭtobusaŭ i drobnych čynoŭnikaŭ.

«Aktyvist Ihar Słučak arhanizavaŭ sapraŭdnaje ckavańnie śmiarotna chvoraha padletka, imknučysia pryciahnuć jaho da administratyŭnaj adkaznaści. Varta adznačyć, što administratyŭnaja adkaznaść u Biełarusi — taŭro na ŭsio žyćcio», — padkreślivaje Karelin.

Žurnalist «Ruskaj Płaniety» ličyć, što takim čynam biełaruskaja apazicyja na fonie nibyta ŭzrastajučych antyrasijskich nastrojaŭ arhanizavała sapraŭdny tandem z uładami. I tyja represiŭnyja praktyki, jakija raniej užyvalisia ŭ dačynieńni da prajeŭrapiejskaj apazicyi, pačali ŭžyvacca ŭžo ŭ dačynieńni da prychilnikaŭ tak zvanaha «ruskaha śvietu».

Nie zmoh abminuć Karelin i rezanansnuju spravu nad aŭtarami resursu Regnum. Užyvańnie termina «niedadziaržava» u dačynieńni da Biełarusi jon ličyć «realizacyjaj prava na svabodnaje vykazvańnie svaich dumak».

«Našu Nivu» aŭtar ličyć «apazicyjnym resursam», i skrynšoty z kamientarami na našym sajcie Karelin pryvodzić u jakaści demanstracyi rusafobskich nastrojaŭ u hramadstvie.

Na dumku žurnalista «Ruskaj Płaniety», u vypadku kali Rasija adnović ź Biełaruśsiu miežy, arhanizuje mytniu i zrobić vizavy režym, Alaksandr Łukašenka sam paprosić, kab Biełaruś uvajšła ŭ skład Rasii albo 6 abłaściami, albo adnoj fiederalnaj akruhaj.

• 0
• 0
• 0
• 0
• 0
• 0
• 0
• 0