Alaksandr Jermakovič zaviaršyŭ svaju pracu na pasadzie hałoŭnaha treniera futbolnaha kłuba BATE, paviedamlaje kłub.
«Nastupiŭ momant, kali Alaksandr Uładzimiravič paličyŭ, što pryjšoŭ čas, kab źmianić abstanoŭku. FK BATE z razumieńniem pastaviŭsia da hetaha rašeńnia», — napisana na sajcie kłuba.
Za čatyry hady samastojnaj pracy Alaksandr Jermakovič vyjhraŭ z BATE 10 trafiejaŭ (5 razoŭ stanaviŭsia čempijonam Biełarusi, 1 raz — uładalnikam Kubka, 4 — uładalnikam Supierkubka Biełarusi) — bolš čym chto-niebudź za 25-hadovuju historyju suvierennaha futboła. Akramia hetaha jon dvojčy vyvodziŭ BATE u hrupavyja turniry Lihi čempijonaŭ (2014, 2015) i Lihi Jeŭropy (2017). U 2015 hodzie jon byŭ pryznany najlepšym trenieram našaj krainy.
Ahułam Jermakovič pravioŭ 472 aficyjnyja matčy ŭ BATE (279 u jakaści hulca i 193 — hałoŭnaha treniera) — bolš za ŭsich u historyi kamandy.
Na praciahu 11 siezonaŭ Jermakovič słužyŭ FK BATE ŭ jakaści palavoha hulca. Paśla zaviaršeńnia siezonu-2004, kali kamanda pieražyła samy dramatyčny pieryjad u svajoj historyi (uśled za hałoŭnym trenieram šerahi BATE pakinuła vialikaja hrupa futbalistaŭ, što faktyčna aznačała budaŭnictva kamandy z «nula») Jermakoviču było davierana prava vykonvać abaviazki kapitana.
Jon zastavaŭsia kapitanam da zaviaršeńnia hulniavoj karjery ŭ 2008 hodzie. Bucy na ćvik Jermakovič paviesiŭ paśla matču zaklučnaha tura hrupavoha raŭndu Lihi čempijonaŭ-2008/09 u Turynie suprać miascovaha «Juvientusa».
U jakaści hulca Alaksandr Jermakovič stanaviŭsia 5-kratnym čempijonam Biełarusi (1999, 2002, 2006, 2007, 2008), uładalnikam Kubka krainy (2006), srebnym (1998, 2000, 2003, 2004) i bronzavym (2001) pryzioram čempijanatu krainy, čatyry razy ŭklučaŭsia ŭ simvaličnuju zbornuju čempijanatu (1999, 2002, 2006, 2007).
Paśla hetaha jon uvajšoŭ u trenierski štab Viktara Hančarenki, jakomu i asystavaŭ da kastryčnika 2013 hoda. A paśla taho jak Viktar Hančarenka pryniaŭ prapanovu krasnadarskaj «Kubani», Alaksandr Jermakovič byŭ zaćvierdžany na pasadu hałoŭnaha treniera FK BATE.
-
Trenier, jaki pryvioŭ kłub da srebra ŭ čempijanacie Biełarusi, budzie treniravać kamandu ź piataha dyvizijona pieršynstva Polščy
-
Forvard minskaha «Dynama» Dyłan Dziube i jašče čatyry chakieisty pryznanyja nievinavatymi pa spravie ab seksualnym hvałcie
-
Hałoŭny trenier «Niomana» vykanaŭ dziŭny taniec paśla pieramohi ŭ matčy Lihi kanfierencyj
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary