Trenier, jaki pryvioŭ kłub da srebra ŭ čempijanacie Biełarusi, budzie treniravać kamandu ź piataha dyvizijona pieršynstva Polščy
60-hadovy biełaruski śpiecyjalist Pavieł Radnionak staŭ hałoŭnym trenieram «Hranicy», piša football.by.
«Hranica» bazujecca ŭ horadzie Kietšyn, što znachodzicca niepadalok ad miažy z Kalininhradskaj vobłaściu.
Papiarednim miescam pracy Radnionka byŭ «Astraviec» (D2). Jon pryniaŭ kamandu ŭ studzieni 2024 hoda, a pakinuŭ jaje praz dva tydni paśla papiery z KDB.
U 2022 hodzie «Enierhietyk-BDU» pad kiraŭnictvam Paŭła zavajavaŭ siarebranyja miedali vyšejšaj lihi, ale byŭ pazbaŭleny druhoha miesca i miesca ŭ jeŭrakubkach za damoŭnyja matčy, a taksama z kłuba źniali 30 bałaŭ.
Pavieł Radnionak byŭ hulcom minskaha «Dynama» časoŭ SSSR, pravioŭ 12 siezonaŭ, vystupaŭ na pazicyi abaroncy. Zhulaŭ 12 matčaŭ za zbornuju Biełarusi.
Radnionak byŭ z sakavika spartyŭnym dyrektaram «Hranicy». Kłub zaniaŭ u svajoj hrupie 9-je miesca, adstaŭšy ad pieršaha miesca na 24 bały.
Kamientary