Pastupleńni ad turpasłuh u biudžet Minska pavialičylisia na 35% z uviadzieńniem Biełaruśsiu biaźvizavaha režymu. Pra heta paviedamiŭ ministr zamiežnych spraŭ Uładzimir Makiej u efiry prahramy «Aktualnaje intervju» na «Biełaruś 1», piša BiełTA.
Uviadzieńnie biaźvizavaha režymu na piać dzion dla hramadzian 80 dziaržaŭ užo pryniesła svoj plon. Bolš za 80 tys. zamiežnych hramadzian, u pieršuju čarhu z Zachodniaj Jeŭropy, naviedali Biełaruś. U Minsku idzie rost pastupleńniaŭ u biudžet ad turystyčnych, haściničnych pasłuh, ad pasłuh u śfiery achovy zdaroŭja, adpačynku i hetak dalej na 35%», — skazaŭ Uładzimir Makiej.
Kroki pa dalejšym spraščeńni vizavaha režymu płanujecca abmierkavać u studzieni na naradzie ŭ Alaksandra Łukašenki. «Tam my budziem unosić adpaviednyja prapanovy. Dumaju, pa vynikach hetaj narady buduć zroblenyja kankretnyja zachady, — reziumavaŭ dypłamat.
Razam z tym Uładzimir Makiej pryznaŭ, što z boku turystaŭ jość niekatoryja parušeńni biaźvizavaha režymu. «Ale na fonie ahulnaj kolkaści zamiežnych hramadzian, jakija naviedali Biełaruś, kolkaść hetych parušalnikaŭ niaznačna. Miarkuju, u dadzienaj situacyi plon byŭ, i heta rašeńnie ab uviadzieńni biaźvizavaha režymu było absalutna apraŭdanym, uzvažanym. Dla krainy jano daje dobry efiekt, tamu spyniacca na dasiahnutym nielha», — padkreśliŭ jon.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia28
Kamientary