«Staličnaje telebačańnie» viartaje ŭ efir prahramy vytvorčaści rasijskaha «RenTV»
U prahramu pieradač «Staličnaha telebačańnia» (STB) viartajecca kantent rasijskaha «RenTV».
8 studzienia «Naša Niva» źviarnuła ŭvahu na toje, što z efiru biełaruskaha telekanała STB źnikli pieradačy rasijskaha skandalna viadomaha «RenTV». My praanalizavali prahramu pieradač STB i pabačyli, što z 1 pa 14 studzienia 2018 hoda tam nie było zapłanavana nivodnaj pieradačy vytvorčaści rasijskaha partniora.
Prahramnaja dyrekcyja i pres-słužba telekanała situacyju nam nie prakamientavali.
Paźniej na partale tut.by źjaviŭsia kamientar namieśnika hienieralnaha dyrektara STB Paŭła Karanieŭskaha, jaki paviedamiŭ, što pieradačy rasijskaha partniora viernucca ŭ efir, ale kali heta adbudziecca, jon dakładna nie skazaŭ.
U aŭtorak 9 studzienia źjaviłasia prahrama pieradač «Staličnaha telebačańnia» na nastupny tydzień. Amatary pieradač pra reptyłoidaŭ i masonskija zmovy buduć zadavolenyja — STB znoŭ pačnie retranślavać prahramy «RenTV» z 15 studzienia.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary