Alaksandr Łukašenka ŭručyŭ dziaržaŭnyja ŭznaharody «pradstaŭnikam śfier žurnalistyki, kultury i mastactva».
U pryvatnaści, ordenam Francyska Skaryny ŭznaharodžany dyrektar pradstaŭnictva Miždziaržaŭnaj teleradyjokampanii «Mir» u Biełarusi Uładzimir Piarcoŭ.
«Mir» — telekanał, finansujemy SND. Naturalna, biełaruskaja mova i kultura na im nie pradstaŭlenyja nijak.
Piarcoŭ — ziać Alaksandra Radźkova, byłoha ministra adukacyi i pieršaha namieśnika kiraŭnika Administracyi prezidenta.
Aproč taho, miedalom Francyska Skaryny ŭdastojena zahadčyca adździeła palityčnych ahladalnikaŭ Ahienctva televizijnych navin Biełteleradyjokampanii Volha Makiej.
Fota President.gov.by
Dziaržaŭnyja ŭznaharody prysudžany za šmathadovuju plonnuju pracu, vialiki asabisty ŭkład u raźvićcio nacyjanalnaj žurnalistyki, stvareńnie adzinaj infarmacyjnaj prastory, udaskanaleńnie biełaruska-rasijskaha supracoŭnictva ŭ halinie telebačańnia i radyjo, značnyja dasiahnieńni ŭ śfiery kultury i mastactva.
Kamientary