Novy ministr zamiežnych spraŭ Polščy Jacek Čaputovič zahadaŭ u chutkim časie raźvitacca sa starymi pracaŭnikami ministerstva. Havorka pierš za ŭsio idzie pra vypusknikoŭ maskoŭskaha MHIMO, daviedałasia radyjostancyja RMF FM «z ułasnych krynic».
Pavodle danych radyjostancyi, adnoj z hałoŭnych pryčyn adstaŭki raniejšaha ministra Vitolda Vaščykoŭskaha było «niežadańnie radykalnych kadravych źmienaŭ».
Novyja kadry majuć być nabranyja navat ź liku ludziej, jakija nie majuć dypłamatyčnaha dośviedu. Takija rasparadžeńni Jacek Čaputovič vydaŭ jašče na pasadzie namieśnika ministra i zvolniŭ dyrektara Dypłamatyčnaj akademii Artura Charazima.
Ministerstva zamiežnych spraŭ Polščy paćvierdziła, što padčas apošniaha ispytu ŭ dypakademii zalikovy paroh byŭ źnižany, ale pryčynaju nazvała toje, što sioletni test byŭ bolš składany za letašni.
Kamientary