Znojdzienaja ŭ Izraili skivica vymusić pierapisać historyju čałaviectva
Znojdzienyja ŭ izrailskaj piačory reštki Homo sapiens śviedčać, što našyja prodki pakinuli Afryku na 50 tysiač hadoŭ raniej, čym navukoŭcy dahetul ličyli. Daśledavańnie apublikavanaje ŭ apošnim numary časopisa Science.
«Nam daviadziecca pierapisvać usiu historyju evalucyi čałavieka, pryčym nie tolki našaha vidu, ale i ŭsich astatnich, jakija žyli ŭ toj čas pa-za Afrykaj», — upeŭnieny prafiesar Tel-Aviŭskaha ŭniviersiteta Izrail Hierškovic, adzin z aŭtaraŭ daśledavańnia.
Vierchniaja skivica i niekatoryja inšyja častki čerapa byli znojdzienyja ŭ piačory Miślija ŭ Izraili.
Dziakujučy kampjutarnaj tamahrafii i stvoranaj 3D-madeli skivicy antrapołahi pierakanalisia, što jana naležała sučasnamu čałavieku.
Try niezaležnyja mietady acenki pakazali, što ŭzrost kostak składaje ad 177 da 194 tysiač hadoŭ, u toj čas jak raniejšyja znojdzienyja ŭ Izraili reštki Homo sapiens mieli ŭzrost 90—125 tysiač hadoŭ.
«Heta daje vidavočnyja dokazy taho, što našy prodki ŭpieršyniu mihravali z Afryki značna raniej, čym my dahetul ličyli. Heta taksama aznačaje, što sučasnyja ludzi patencyjna mahli sustrakacca i ŭzajemadziejničać ź inšymi archaičnymi hrupami ludziej na praciahu bolš doŭhaha pieryjadu času, majučy bolš mahčymaściaŭ dla kulturnaha i bijałahičnaha abmienu», — tłumačyć Rolf Kuam ź Binhiemtonskaha ŭniviersiteta.
Stała viadoma, jak zatrymali byłoha kalinoŭca Maksima Ralko2
Kamientary