Biełaruś vystupaje za zachavańnie mocnaha Jeŭrapiejskaha sajuza, jak adnoj z najbolš važnych asnoŭ isnavańnia šmatpalarnaha śvietu. Takuju pazicyju siońnia na sustrečy ź jeŭrakamisaram pa jeŭrapiejskaj palitycy susiedstva i pieramoŭ ab pašyreńni ES Johaniesam Chanam ahučyŭ Alaksandr Łukašenka, piša BiełTA.
«My kateharyčnyja prychilniki isnavańnia mocnaha ES. My kateharyčna suprać centrabiežnych sił u ES, jakija sasłablajuć jaho», — padkreśliŭ Łukašenka.
Pa słovach kiraŭnika dziaržavy, mienavita ES jość adnoju z apor šmatpalarnaści, i jaje pasłableńnie nieminuča adabjecca na ŭsioj śvietabudovie. Heta budzie pahražać nie tolki sistemie biaśpieki, ale zakranie i inšyja žyćciova važnyja śfiery, takija, jak ekanomika.
Kiraŭnik dziaržavy zapeŭniŭ Jochanesa Chana, što Biełaruś hatovaja rabić usie nieabchodnyja namahańni ŭ metach padtrymańnia biaśpieki na ŭsim jeŭrapiejskim kantyniencie. «Vy možacie na nas raźličvać. My zaŭsiody budziem addanyja dobrasusiedstvu i hatovyja ŭnieści luby ŭkład u harantavańnie biaśpieki jeŭrapiejskaha kantynienta», — zajaviŭ Alaksandr Łukašenka.
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA1
Kamientary