Iranki pratestujuć suprać chidžabaŭ — upieršyniu za 40 hadoŭ FOTY

U Iranie raźvivajecca ruch adzinočnych pratestaŭ suprać chidžabaŭ. U paniadziełak, 29 studzienia, adrazu niekalki žančyn ź niepakrytymi hałovami zabralisia na transfarmatarnyja budki na vulicach Tehierana, razmachvajučy namatanymi na pałku chustkami nakštałt ściaha. Heta pieršy masavy vystup suprać abaviazkovaha našeńnia chustki z časoŭ revalucyi 1979 hoda.

Pieršaja takaja akcyja adbyłasia jašče ŭ śniežni — aktyvistkaj, jakaja advažyłasia na taki krok, stała 31-hadovaja Vida Mavachied, maci paŭtarahadovaj dziaŭčynki.

27 śniežnia žančyna ŭźlezła z raspuščanymi vałasami na budku na praśpiekcie Enhiełab u Tehieranie, razmachvajučy chustkaj niby ściaham. Jaje fatahrafii i videa šyroka razyšlisia ŭ sacyjalnych sietkach.

People in #Iran are asking for the whereabouts of the woman who took off her #hijab to protest the mandatory Islamic dress code using the hashtags #دختر_خیابان_انقلاب_کجاست and #Where_Is_She
She was reportedly arrested shortly after. #IranProtestspic.twitter.com/G6oKHIPA68

— Armin Navabi (@ArminNavabi) 18 janvaria 2018 h.

Pavodle źviestak pravaabaroncaŭ, žančyna była zatrymanaja palicyjaj, vyzvalena i zatym aryštavanaja paŭtorna. Chešteh z pytańniem «Dzie jana?» na persidskaj movie byŭ vykarystany ŭ «Tvitary» bolš za 28 tysiač razoŭ.

Jak raspaviała viadomaja ŭ Iranie pravaabaronca i advakat Nasryn Sataŭdech, maładuju žančynu vyzvalili tolki ŭ niadzielu 28 studzienia.

Adrazu paśla hetaha, u paniadziełak 29 studzienia akcyju Vidy Mavachied paŭtaryli, jak minimum, jašče try žančyny. Ich fatahrafii z chešteham, jaki možna pierakłaści jak «dziaŭčaty z vulicy Enhiełab», stali adnym z trendaŭ u tvitary.

A 2nd woman arrested in #Iran for protesting forced #hijab by taking off her headscarf.
Name: Narges Hosseini #نرگس_حسینی
Women are removing their hijab, posting it with the hashtag #دختران_خیابان_انقلاب meaning #GirlsOfRevolutionSt where #VidaMovahed first took off her hijab. pic.twitter.com/lLbeI5TZMo

— Armin Navabi (@ArminNavabi) 29 janvaria 2018 h.

Another brave Iranian woman who makes speech.#دختران_خیابان_انقلاب pic.twitter.com/fQlmpLxYI4

— Pantea Modiri (@PanteaModiri) 29 janvaria 2018 h.

A courageous symbol of civil protest against the hijab forced on women in Iran for decades.

pic from: Seyedkhandan - Tehran, Iran#HijabForced  #ForcedVeil#WhiteWednesdays#GirlsOfRevolutionSt#چهارشنبه_های_سفید#دختران_خیابان_انقلاب pic.twitter.com/59ghmJjdoP

— Oliver Jazayeri (@Oliver_jazayeri) 29 janvaria 2018 h.

Jak paviedamlaje Nasryn Sataŭdech, žančyna, što zabrałasia na tuju ž samuju budku, što i Mavachied, taksama była zatrymanaja palicyjaj. Nieŭzabavie paśla hetaha ŭ znak padtrymki ruchu žychary horada stali pakidać na budcy kvietki.

Someone has left a bouquet of flowers for the women protesting the compulsory hijab in Tehran via @aidaghajar #دخترهای_خیابان_انقلاب pic.twitter.com/OXXN6O0wmZ

— Golnaz Esfandiari (@GEsfandiari) 29 janvaria 2018 h.

Abaviazkovaje našeńnie chustki ŭ publičnych miescach pradpisvajecca zakonami Irana — parušalnicy pahražaje aryšt.

Razam z tym žycharki krainy paśladoŭna adstojvajuć svaju svabodu źjaŭlacca ź niepakrytaj hałavoj, naprykład, za rulom aŭtamabila, arhumientujučy heta tym, što sałon mašyny źjaŭlajecca pryvatnaj prastoraj.

U 2014 hodzie ŭradženka Irana, žurnalistka i aktyvistka Masich Aliniežad (ciapier jana žyvie na Zachadzie), stvaryła staronku ŭ fejsbuku «Maja prychavanaja svaboda», dzie žycharki Irana i inšych krain mahli pościć svaje zdymki ź niepakrytaj hałavoj. Ciapier u staronki bolš za miljon padpisantaŭ.

• 0
• 0
• 0
• 0
• 0
• 0
• 0
• 0