U śviecie žyvie minimum čatyry Rahniedy Rahvałodaŭny FOTY

Połackaja kniažna Rahnieda, dačka pieršaha letapisnaha kniazia połackaha Rahvałoda, — viadomaja postać u historyi Biełarusi. Jaje imia, jak i imia baćki — skandynaŭskaha pachodžańnia. Jak i kijeŭskich kniazioŭ Ihara, Volhi, Aleha.
Cikava, ale ŭ adnoj tolki Isłandyi žyvie jak minimum čatyry Rahniedy Rahvałodaŭny. Kali ŭ pošuku fejsbuku ŭvieści imia Ragnheiður Rögnvaldsdóttir, u vynikach my možam znajści čatyry žančyny. I heta nie tak i mała, kali ŭličyć, što nasielnictva Isłandyi ŭsiaho składaje kala 325 tysiač čałaviek.

Sprava ŭ tym, što ŭ Isłandyi proźviščy adsutničajuć, ich tradycyjna zamianiaje imia pa baćku (ci pa maci). Tamu Ragnheiður (Rahnieda) u dadzienym vypadku heta imia, a Rögnvaldsdóttir (Rahvałodaŭna) — heta imia pa baćku.


Nie dziŭna, što hetaje imia zachavałasia mienavita ŭ Isłandyi, tamu što isłandskaja mova źjaŭlajecca z usich skandynaŭskich najbolš archaičnaj, jakaja zachavała ŭ sabie amal usie staražytnyja moŭnyja rysy.
Imia Rahnieda (Ragnheiður) pachodzić ad staražytnahiermanskich słoŭ «regin» (rada) i «hildr» (bitva) i pierakładajecca jak «daradca ŭ bitvie».
A imia Rahvałod (Rögnvaldur) pachodzić ad słoŭ «regin» (rada) i «valdur» (mocny ŭładar). Cikava, što imia «Ranałda» viadomaha partuhalskaha i brazilskaha futbalistaŭ źjaŭlajecca partuhalskaj formaj skandynaŭskaha Rögnvaldur.

Čytajcie taksama: U Isłandyi zabaranili imia Andrej jak nieisłandskaje
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary