Rasija vitaje zabaronu banderaŭskaj ideałohii ŭ Polščy, ale padkreślivaje nieabchodnaść admovy ad «nieprychavanaj rusafobii». Pra heta zajaviŭ pieršy namieśnik staršyni kamiteta Savieta Fiederacyi RF pa abaronie, biełarus pa pachodžańni, Franc Klincevič, pieradaje RIA «Naviny».
«Zakon nosić vybarčy charaktar. Rezka asudžajecca čužy nacyjanalizm, prapahanda banderaŭskaj ideałohii stanovicca kryminalnym złačynstvam, z čym my, zrazumieła, nie možam nie pahadzicca. U toj ža čas robicca vyhlad, što nie isnuje «svajho» nacyjanalizmu, adnym z prajavaŭ jakoha siońnia vystupaje nieprychavanaja rusafobija», — skazaŭ Klincevič.
Na jaho dumku, abodva hetyja vyhlady nacyjanalizmu «niebiaśpiečnyja dla polskaha hramadstva».
Nahadajem, Sienat Polščy bieź źmien padtrymaŭ abnoŭleny zakon ab Instytucie nacyjanalnaj pamiaci, jaki siarod inšaha praduhledžvaje pakarańnie za admaŭleńnie złačynstvaŭ ŭkrainskich nacyjanalistaŭ, a taksama za ŭžyvańnie słova «polskija» ŭ adnosinach da nacysckich łahieraŭ śmierci.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś22
Kamientary