U sietcy vyjavili, što adzin z maładych ludziej ź miema «viečarynka batanikaŭ» źjaŭlajecca supracoŭnikam SpaceX i prymaŭ udzieł u zapusku Falcon Heavy. Pra heta piša Business Insider.
Aryhinalny zdymak z čatyrma staršakłaśnikami za stałom byŭ zrobleny padčas alimpijady pa prahramavańni ŭ 1997 hodzie ŭ polskim horadzie Zvardoń. Druhi źleva małady čałaviek - Tomek Čajka (Tomek Czajka), jaki na dadzieny momant zajmajecca raspracoŭkaj softu ŭ SpaceX. Jon prymaŭ udzieł u stvareńni prahramnaha zabieśpiačeńnia dla Falcon 9 i Falcon Heavy.
Paśla škoły jon vučyŭsia na fakultecie matematyki, infarmatyki i miechaniki Varšaŭskaha univiersiteta, a taksama ŭ univiersitecie Pierdju ŭ amierykanskim horadzie Uest-Łafiejiet, štat Indyjana. Padčas navučańnia jon udzielničaŭ u roznych čempijanatach pa prahramavańni, u tym liku arhanizavanych Microsoft. Taksama niekatory čas jon pracavaŭ u Google, pakul nie pierajšoŭ u kampaniju Iłana Maska.
Tomek žyvie ŭ Redonda-bič ŭ Kalifornii i źjaŭlajecca honaram polskaj IT-industryi. Tak, paśla zapusku Falcon Heavy na sajcie polskaj supołki prahramistaŭ Tomeka asabista pavinšavali z pośpiecham SpaceX i pieraličyli inšyja jaho dasiahnieńni.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary